ГалоўнаяМерапрыемствыБарацьба супраць карупцыі ў інтарэсах развіцця, міру і бяспекі
Выстаўка “Каўчэг Чынгіза Айтматава” да 90-гадовага юбілею пісьменніка
Сустракаем 2019 год

Барацьба супраць карупцыі ў інтарэсах развіцця, міру і бяспекі

Барацьба супраць карупцыі ў інтарэсах развіцця, міру і бяспекі
Іншыя мерапрыемствы
7 снежня – 15 студзеня
Дата правядзення
10.00–21.00
Час правядзення
пам. 207g
Месца правядзення

З 7 снежня 2018 года да 15 студзеня 2019 года ў зале дакументаў міжнародных арганізацый (пам. 207g) адкрыта тэматычная выстаўка “Барацьба супраць карупцыі ў інтарэсах развіцця, міру і бяспекі”, прысвечаная Міжнароднаму дню барацьбы з карупцыяй.

Міжнародны дзень барацьбы з карупцыяй быў абвешчаны на 58-й сесіі Генеральнай асамблеі ААН 31 кастрычніка 2003 года (рэзалюцыя № A/RES/58/4) і штогод адзначаецца 9 снежня. Дата выбрана не выпадкова. У гэты дзень у 2003 годзе ў мексіканскім горадзе Мерыда на палітычнай канферэнцыі высокага ўзроўню была адкрыта для падпісання Канвенцыя Арганізацыі Аб’яднаных Нацый супраць карупцыі. Канвенцыя ўступіла ў сілу з 14 снежня 2005 года. На сённяшні дзень яе падпісалі 140 дзяржаў.

Канвенцыя – комплексны ўніверсальны міжнародны дагавор, які перашкаджае развіццю і распаўсюджванню карупцыі ва ўсіх сферах жыццядзейнасці сучаснага грамадства. Дакумент абавязвае дзяржавы, якія яго падпісалі, абвясціць крымінальным злачынствам хабар, крадзеж бюджэтных сродкаў і адмыванне карупцыйных прыбыткаў. Гэты міжнародны дагавор прадугледжвае меры па папярэджанні карупцыі, пакаранні вінаватых, а таксама механізмы міжнароднага супрацоўніцтва ў барацьбе з ёй.

Ён таксама абавязвае дзяржавы-члены праводзіць палітыку процідзеяння карупцыі, адобрыць адпаведныя законы і заснаваць спецыяльныя органы для барацьбы з гэтай негатыўнай з’явай.

Карупцыя – сур’ёзнае злачынства, якое падрывае сацыяльна-эканамічнае развіццё ва ўсіх грамадствах. На розных этапах грамадскага развіцця карупцыя заўсёды была адной з самых згубных з’яў. Злоўжыванне ўладай для атрымання выгады ў асабістых мэтах суправаджае чалавецтва з самых старажытных часоў. Нягледзячы на тое, што гісторыя ведае нямала прыкладаў барацьбы з гэтым злом, на жаль, яно не знішчана да гэтага часу. У XXI стагоддзі карупцыя застаецца ў ліку самых актуальных праблем, уласцівых усім без выключэння краінам.

Карупцыйныя правапарушэнні наносяць каласальны матэрыяльны ўрон сучасным дзяржавам і з’яўляюцца самай вялікай перашкодай у дасягненні Мэтаў у галіне ўстойлівага развіцця. Штогод у свеце на хабары траціцца 1 трлн долараў ЗША. У выніку карупцыі дзяржавы недаатрымліваюць штогод 2,6 трлн долараў ЗША – суму, эквівалентную 5% сусветнага ВУП. У краінах, якія развіваюцца, страты, звязаныя з карупцыяй, пераўзыходзяць у 10 разоў сумы, што выдзяляюцца ў якасці афіцыйнай дапамогі на мэты развіцця. Паводле ацэнак Еўрапейскага бюро па барацьбе з махлярствам, краіны Еўрапейскага саюза штогод губляюць ад карупцыі 323 млрд еўра.

У Рэспубліцы Беларусь створана эфектыўная заканадаўчая база па барацьбе з карупцыяй. Наша краіна адной з першых дзяржаў-удзельніц ратыфікавала Канвенцыю ААН супраць карупцыі. Акрамя гэтай канвенцыі Рэспублікай Беларусь ратыфікаваны і няўхільна выконваюцца такія асноўныя міжнародныя акты, як Канвенцыя Савета Еўропы аб крымінальнай адказнасці за карупцыю, Канвенцыя ААН супраць транснацыянальнай арганізаванай злачыннасці, Канвенцыя аб грамадзянска-прававой адказнасці за карупцыю. Выконваючы адпаведныя міжнародныя абавязацельствы, Рэспубліка Беларусь паслядоўна прымае заканадаўчыя, адміністрацыйныя і іншыя антыкарупцыйныя меры. Базавым дакументам, на аснове якога арганізуецца антыкарупцыйная дзейнасць у нашай краіне, стаў Закон Рэспублікі Беларусь ад 15 лiпеня 2015 г. № 305-З “Аб барацьбе з карупцыяй”. У цяперашні час рэалізуецца чарговая праграма па барацьбе са злачыннасцю і карупцыяй на 2017–2019 гады.

На выстаўцы прадстаўлена больш за 60 дакументаў міжнародных арганізацый (ААН, Еўрапейскага саюза, Савета Еўропы і інш.) на рускай і англійскай мовах: кнігі, перыядычныя выданні, мімеаграфаваныя матэрыялы ААН, брашуры, буклеты.

Экспазіцыя складаецца з наступных раздзелаў:

  • Паняцце, формы і віды карупцыі. Уплыў карупцыі на развіццё грамадства
  • Міжнародныя прававыя дакументы, накіраваныя на барацьбу з карупцыяй
  • Асноўныя метады і напрамкі барацьбы з карупцыяй і яе асобнымі праявамі
  • Барацьба з карупцыяй у Рэспубліцы Беларусь

Выстаўка будзе цікавая работнікам органаў дзяржаўнай улады і кіравання, супрацоўнікам праваахоўных органаў, пракурорам, суддзям, а таксама выкладчыкам, аспірантам і студэнтам юрыдычных ВНУ.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 34.

Карысныя спасылкі

Матэрыял прадастаўлены аддзелам абслугоўвання афіцыйнымі дакументамі.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Сустрэча з адвакатам аб правах і гарантыях маладога спецыяліста

10.09.2019

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Неспакойнае сэрца

06.09.2019

З 6 верасня па 24 кастрычніка запрашаем наведаць ў зале беларускай літаратуры (пам. 205) кніжную выстаўку “Неспакойнае сэрца”, прысвечаную 100-годдзю з дня нараджэння беларускага пісьменніка, сцэнарыста, заслужанага работніка культуры Беларусі, лаўрэата Літаратурнай прэміі імя І. Мележа Алеся Асіпенкі (1919–1994).

Мінулае і сучаснасць Мінска прадставіць фотавыстаўка “Мінск. Горад і час”

09.09.2019

Мінск – сталіца з даўняй цікавай гісторыяй, але калі ў горадзе пачынаюць жыць твае ўспаміны, ён становіцца асабліва родным і блізкім. Выстаўка “Мінск. Горад і час”, прымеркаваная да Дня горада, прадставіць здымкі фатографа Вадзіма Качана, для якога Мінск – яго жыццё.

Мір і бяспека для ўсіх народаў

02.09.2019

З 2 верасня па 15 кастрычніка ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Мір і бяспека для ўсіх народаў”, прысвечаная Міжнароднаму дню міру.

Бібліятэка ХХІ стагоддзя

02.09.2019

З 2 верасня па 30 кастрычніка ў зале перыядычных выданняў (пам. 106) праходзіць тэматычная выстаўка “Бібліятэка ХХІ стагоддзя”, прымеркаваная да Дня бібліятэк.

Прыгажосць выратуе свет

02.09.2019

З 2 па 25 верасня запрашаем на выстаўку “Прыгажосць выратуе свет” у чытальную залу аддзела міжбібліятэчнага абанемента і дастаўкі дакументаў (пам. 164).



111