Дата правядзення
Час правядзення
Месца правядзення
12 снежня ў гонар 90-гадовага юбілею Чынгіза Айтматава Нацыянальная бібліятэка сумесна з Пасольствам Кыргызскай Рэспублікі ў Рэспубліцы Беларусь адкрывае кніжна-ілюстрацыйную выстаўку “Каўчэг Чынгіза Айтматава”.
“А пасля смерці смерці няма...”.
Чынгіз Айтматаў, “Плаха” (1982).
У 2008 годзе свет страціў таленавітага кіргізскага і рускага пісьменніка і сцэнарыста. “Бывай, Гульсары!”, “Джаміля”, “Белый пароход”, “Пегий пес, бегущий краем моря”, “Плаха” – літаратурная спадчына Чынгіза Айтматава, поўная нацыянальных міфаў і легенд, заваявала сэрцы чытачоў у самых розных кутках зямлі.
На выстаўцы будуць прадстаўлены творы Чынгіза Тарэкулавіча, сярод якіх проза, перакладзеная на беларускую мову, а таксама літаратура пра жыццё і творчасць пісьменніка. Кніжную экспазіцыю дапоўніць разнастайны ілюстрацыйны матэрыял.
На мерапрыемстве будзе прадстаўлены дар Нацыянальнай бібліятэкі Кыргызскай Рэспублікі: бібліяграфічная энцыклапедыя “Вселенная Айтматова”, зборнік твораў Чынгіза Айтматава “Белый дождь”, і чатыры часткі відэапераказу эпасу “Манас”.
На цырымоніі адкрыцця госці мерапрыемства змогуць азнаёміцца з перасоўнай фотавыстаўкай “Айтматаў – дыпламат” Пасольства Кыргызскай Рэспублікі ў Рэспубліцы Беларусь.
Мерапрыемства адбудзецца 12 снежня а 16-й гадзіне ў галерэі “Лабірынт” (3-ці паверх).
Запрашаем наведаць выстаўку да 10 студзеня 2019 г. у кальцавым калідоры 3-га паверха.
Дата заканчэння работы выстаўкі можа быць зменена.
Час работы выстаўкі адпавядае рэжыму работы бібліятэкі.
Уваход – па чытацкім білеце ці білеце сацыякультурнага цэнтра.
Тэлефоны для даведак: (8 017) 293 29 80, 293 28 81.
Е-mail: pr@nlb.by
Матэрыял падрыхтаваны аддзелам сувязей з грамадскасцю.
Чытайце таксама пра адкрыццё кніжна-ілюстрацыйнай выстаўкі “Каўчэг Чынгіза Айтматава".