ГалоўнаяМерапрыемствыМузыка на крылах птушак
Сустракаем 2019 год
Калядная зорка

Музыка на крылах птушак

Музыка на крылах птушак
Іншыя мерапрыемствы
5 снежня – 28 снежня
Дата правядзення
10.00–21.00
Час правядзення
зала нотных і аўдыявізуальных дакументаў (пам. 305)
Месца правядзення

C 5 па 28 снежня ў зале нотных і аўдыявізуальных дакументаў (пам. 305) праходзіць юбілейная выстаўка “Музыка на крылах птушак”, прысвечаная 110-годдзю з дня нараджэння французскага кампазітара Аліўе Месіяна.

Творчасць аднаго з найбольш яркіх кампазітараў ХХ стагоддзя Аліўе Месіяна (1908–1992) самабытная і шматгранная. Ля вытокаў яго музыкі ляжаць грыгарыянскі харал, рускія песні, музыка французскіх кампазітараў, грэчаская метрыка, індыйскія рытмы. Адной з галоўных крыніц натхнення для яго стала хрысціянская вера – пад уражаннем ад Святога Пісання ён стварыў большасць сваіх твораў. Музыка Месіяна падобная да імпрэсіянізму: з яе дапамогай маэстра імкнуўся перадаць прыгажосць і гармонію свету, улавіць і занатаваць цудоўныя імгненні. Аліўе Месіян доўгі час вывучаў спевы птушак. Птушкі для яго – “пасланцы Божыя, сімвалы неба і нябеснай гармоніі”. Імітацыю птушыных галасоў кампазітар не раз выкарыстоўваў у сваіх творах. У тэарэтычных працах А. Месіян сфармуляваў новыя кампазіцыйныя прынцыпы, выклаў тэорыю мадальных ладоў абмежаванай транспазіцыі і вытанчаную сістэму рытмаў.

Выстаўка знаёміць наведвальнікаў з нотнымі выданнямі твораў Аліўе Месіяна, сярод якіх п'есы з цыклаў для фартэпіяна “8 прелюдий”, “Двадцать взглядов на младенца Иисуса”, п'еса для фартэпіяна з аркестрам “Пробуждение птиц”, “Четыре ритмических этюда для фортепиано”, а таксама шматлікія зборнікі, у якіх можна знайсці працы кампазітара.

Аўдыядакументы, прадстаўленыя ў экспазіцыі, даюць магчымасць праслухаць “Quartet for the End of Time”, “Turangalila Symphony”, аркестрава-харавы твор “Trois Petites Liturgies de la Présence Divine”, арганную сюіту “La Nativité du Seigneur” і іншыя творы Месіяна.

Кнігі, аўтарэфераты і артыкулы з перыядычных выданняў дапаўняюць выстаўку інфармацыяй пра творчасць знакамітага кампазітара.

Час работы выстаўкі адпавядае рэжыму работы бібліятэкі.
Уваход – па чытацкім білеце ці білеце сацыякультурнага цэнтра.

Тэлефон для даведак: (8 017) 293 27 53.

Матэрыял прадастаўлены аддзелам абслугоўвання спецыялізаванымі фондамі.


Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Пра сучасную Беларусь распавядае новая выстава бібліятэкі

05.08.2020

У Нацыянальнай бібліятэцы Беларусі, найбуйнейшым інфармацыйным цэнтры рэспублікі, сабрана максімальная колькасць аб’ектыўнай інфармацыі пра нашу краіну. Новая тэматычная выстава “Беларусь сёння” адкрылася ў зале перыядычных выданняў (пам. 106, 1-ы паверх).

Многа-многа зрабіць

04.08.2020

У зале беларускай літаратуры (пам. 205) з 4 жніўня па 1 кастрычніка праходзіць выстаўка “Многа-многа зрабіць”, прымеркаваная да 70-годдзя Анатоля Леанідавіча Вераб'я – беларускага крытыка і літаратуразнаўца, кандыдата філалагічных навук, педагога, рэдактара, члена Саюза пісьменнікаў Беларусі, лаўрэата Літаратурнай прэміі імя У. Калесніка.

Брытанская канстытуцыя як прававы феномен

03.08.2020

З 3 жніўня па 11 кастрычніка ў зале прававой інфармацыі (пам. 207b) адкрыта тэматычная выстаўка “Брытанская канстытуцыя як прававы феномен”, прысвечаная 805-годдзю падпісання Вялікай хартыі вольнасцей.

Наперадзе часу

24.07.2020

100-годдзю з дня нараджэння пісьменнікаў-фантастаў Айзека Азімава і Рэя Брэдберы прысвечана выстаўка “Наперадзе часу”, якая размешчана ў кальцавым калідоры 3-га паверха бібліятэкі.



111