Дата правядзення
Месца правядзення
Напярэдадні дня нараджэння найважнейшага гістарычнага дакумента ў бібліятэцы пройдзе цырымонія ўзнагароджання пераможцаў і прызёраў рэспубліканскай выстаўкі – конкурсу малюнка “Намалюй свае правы. 70 гадоў Усеагульнай дэкларацыі праў чалавека”.
Галоўная мэта конкурсу – паглыбленне ведаў вучняў аб правах чалавека, выхаванне павагі да праў і свабод, развіццё дзіцячай творчасці, выяўленне і падтрымка юных талентаў.
У заключным рэспубліканскім этапе прынялі ўдзел больш за 500 канкурсантаў ад 6 да 17 гадоў. Журы разглядала работы ў дзвюх намінацыях – “Жывапіс” і “Графіка”. Малюнкі адлюстроўвалі як розныя артыкулы дэкларацыі, так і асобныя правы чалавека – грамадзянскія, палітычныя, эканамічныя, сацыяльныя, культурныя.
Арганізатарамі выстаўкі-конкурсу выступіла Прадстаўніцтва Арганізацыі Аб’яднаных Нацый у Рэспубліцы Беларусь сумесна з Міністэрствам адукацыі Рэспублікі Беларусь і Нацыянальным цэнтрам мастацкай творчасці дзяцей і моладзі.
Мерапрыемства пачнецца 6 снежня ў а 12-й гадзіне ў галерэі “Лабірынт” (3-ці паверх).
Ад 7 снежня выстаўка будзе экспанавацца ў галерэі “Мабільная” (кальцавы калідор 3-га паверха).
Тэлефоны для даведак: (8 017) 293 28 33, 293 28 81.
Е-mail: pr@nlb.by
Матэрыял падрыхтаваны аддзелам сувязей з грамадскасцю.