ГалоўнаяМерапрыемствыФотапраект #мысяродвас – розныя людзі адзінага грамадства ў падтрымку прафілактыкі ВІЧ-інфекцыі
Міжнародная абарона праў дзіцяці
Дзіцячы пакой запрашае на майстар-клас па скрапбукінгу

Фотапраект #мысяродвас – розныя людзі адзінага грамадства ў падтрымку прафілактыкі ВІЧ-інфекцыі

Фотапраект #мысяродвас – розныя людзі адзінага грамадства ў падтрымку прафілактыкі ВІЧ-інфекцыі
Іншыя мерапрыемствы
14 лістапада – 25 лістапада
Дата правядзення
16.00–17.30
Час правядзення
кальцавы калідор 3-га паверха
Месца правядзення

14 лістапада ў бібліятэцы адкрыецца фотавыстаўка #мысяродвас, прымеркаваная да Сусветнага дня барацьбы са СНІДам.

Свае твары перад фатографам Юліяй Шаблоўскай адкрылі найбольш уразлівыя да ВІЧ-інфекцыі групы насельніцтва. У кожнага з герояў свая жыццёвая гісторыя.

Сярод фатаграфій таксама партрэты медыкаў, сацыяльных работнікаў, чыноўнікаў, журналістаў і проста неабыякавых людзей, якія падтрымліваюць філасофію навукова-абгрунтаваных праграм прафілактыкі ВІЧ-інфекцыі для ключавых груп. Наведвальнікі змогуць падрабязна разгледзець на стэндах інфаграфіку з актуальнымі данымі па тэме прафілактыкі ВІЧ / СНІДу ў Беларусі, у тым ліку інфармацыю аб нізкапарогавых пунктах прафілактыкі ВІЧ-інфекцыі для людзей, якія ўжываюць наркотыкі.

Партрэты людзей, прадстаўленыя ўперамешку, дазваляюць наведвальнікам фотавыстаўкі ўсвядоміць усю разнастайнасць грамадства і разам з тым адчуць яго адзінства перад агульнай пагрозай.

Мэта выстаўкі – папулярызацыя мер прафілактыкі ВІЧ-інфекцыі праз фарміраванне талерантнага стаўлення да людзей з ключавых груп насельніцтва.

Аўтар ідэі і куратар фотавыстаўкі #мысяродвас – актывістка беларускага грамадскага аб'яднання “Пазітыўны рух” Кацярына Парфянюк.

Падтрымалі фотавыстаўку Міністэрства аховы здароўя Рэспублікі Беларусь і вядучыя агенцтвы Арганізацыі Аб’ядананых Нацый – Праграма развіцця ААН у Беларусі (ПРААН), Аб'яднаная праграма ААН па ВІЧ / СНІДзе (ЮНЭЙДС), Дзіцячы фонд ААН (ЮНІСЕФ), Упраўленне ААН па наркотыках і злачыннасці (УНЗ ААН).

Праект створаны пры тэхнічнай падтрымцы грамадскага аб'яднання “Пазітыўны рух” у рамках міні-гранта EATG STEPUP 2017 года.
Падрабязнасці аб праекце можна знайсці па хэштэгу #мысяродвас у сацыяльнай сетцы Facebook.


Фотавыстаўка адкрыецца а 16-й гадзіне ў мабільнай галерэі (кальцавы калідор 3-га паверха) і будзе доўжыцца да 25 лістапада 2018 года.

Дата яе заканчэння можа быць зменена.

Час работы выстаўкі адпавядае рэжыму работы бібліятэкі.

Уваход – па чытацкім білеце ці білеце сацыякультурнага цэнтра.

Тэлефоны для даведак: (8 017) 266 37 37, 293 28 33, 293 28 81.
Е-mail: pr@nlb.by

Чытайце таксама пра адкрыццё выстаўкі #мысяродвас.


Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Дакладнасць думкі, густ, майстэрства

12.09.2019

З 12 верасня па 7 кастрычніка ў зале дакументаў па мастацтве (пам. 306) праходзіць кніжна-ілюстрацыйная выстаўка “Дакладнасць думкі, густ, майстэрства”, прысвечаная 90-годдзю з дня нараджэння народнага мастака Беларусі, графіка Арлена Міхайлавіча Кашкурэвіча.

Будучыня планеты без ядзернай зброі

13.09.2019

З 13 верасня да 13 кастрычніка ў зале дакументаў міжнародных арганізацый бібліятэкі (2-гі паверх, пам. 207g) адкрыта тэматычная кніжная выстаўка “Будучыня планеты без ядзернай зброі”, прысвечаная Міжнароднаму дню барацьбы за поўную ліквідацыю ядзернай зброі.

Сустрэча з адвакатам аб правах і гарантыях маладога спецыяліста

10.09.2019

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Неспакойнае сэрца

06.09.2019

З 6 верасня па 24 кастрычніка запрашаем наведаць ў зале беларускай літаратуры (пам. 205) кніжную выстаўку “Неспакойнае сэрца”, прысвечаную 100-годдзю з дня нараджэння беларускага пісьменніка, сцэнарыста, заслужанага работніка культуры Беларусі, лаўрэата Літаратурнай прэміі імя І. Мележа Алеся Асіпенкі (1919–1994).

Мінулае і сучаснасць Мінска прадставіць фотавыстаўка “Мінск. Горад і час”

09.09.2019

Мінск – сталіца з даўняй цікавай гісторыяй, але калі ў горадзе пачынаюць жыць твае ўспаміны, ён становіцца асабліва родным і блізкім. Выстаўка “Мінск. Горад і час”, прымеркаваная да Дня горада, прадставіць здымкі фатографа Вадзіма Качана, для якога Мінск – яго жыццё.

Мір і бяспека для ўсіх народаў

02.09.2019

З 2 верасня па 15 кастрычніка ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Мір і бяспека для ўсіх народаў”, прысвечаная Міжнароднаму дню міру.



111