ГалоўнаяМерапрыемствыЗапрашаем на фотавыстаўку Уладзіслава Цыдзіка “Бачу Беларусь такой”
Прэзентацыя кнігі “Трасцянец. Трагедыя народаў Еўропы”
Запрашаем на прэзентацыю кнігі “Бачу Беларусь такой” і фотавыстаўку Уладзіслава Цыдзіка

Запрашаем на фотавыстаўку Уладзіслава Цыдзіка “Бачу Беларусь такой”

Запрашаем на фотавыстаўку Уладзіслава Цыдзіка  “Бачу Беларусь такой”
Іншыя мерапрыемствы
16 кастрычніка – 25 лістапада
Дата правядзення
10.00–21.00
Час правядзення
галерэя "Ракурс" (2-гі паверх)
Месца правядзення

16 кастрычніка ў бібліятэцы адкрылася фотавыстаўка Уладзіслава Цыдзіка “Бачу Беларусь такой”.

44 фотапогляды сапраўднага майстра на нашу краіну зачаруюць гледача яе прыгажоцю і непаўторнасцю. На здымках Уладзіслава Цыдзіка Беларусь прадстаўлена знаёмай, роднай, блізкай. І гэта не здарма, бо экспазіцыя прысвечана Году малой радзімы.

Уладзіслаў Цыдзік захоўвае Беларусь сапраўднай, той, якую большчасць з нас ведаюць з маленства. Ён шмат падарожнічае па краіне, таму на выстаўцы можна палюбавацца спакойнымі палямі мягкіх колераў, драўлянымі хаткамі, зборам ураджая, знакамітымі архітэктурнымі помнікамі, усмешкамі людзей і крыламі буслоў. Шмат увагі фотамайстар аддае беларускай сталіцы, якая прыцягвае сваім мінулым, уражвае новым днём.

Сёлета ў Выдавецкім доме “Звязда” выйшла кніга “Бачу Беларусь такой”. У яе ўвайшлі прадстаўленыя на выстаўцы здымкі Уладзіслава Цыдзіка разам з вершамі 65-ці сучасных беларускіх паэтаў.


Выстаўка будзе доўжыцца ў галерэі “Ракурс” да 25 лістапада 2018 г.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра бібліятэкі.

Тэлефоны для даведак: (8 017) 293 29 80, 293 28 33, 293 28 81.

Е-mail: pr@nlb.by

Чытайце таксама, як прайшла прэзентацыя кнігі і адкрыццё фотавыстаўкі “Бачу Беларусь такой”.


Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Партызанскі архіў: бібліятэка прэзентуе мультымедыйныя выданні

15.11.2019

19 лістапада а 16-й гадзіне ў бібліятэцы адбудзецца прэзентацыя першага выпуску серыі мультымедыйных выданняў “Партызанскі архіў” – электроннага дакументальнага выдання “Аператыўныя і разведвальныя зводкі Беларускага штаба партызанскага руху: 1944 год” – сумеснага праекта Нацыянальнага архіва Рэспублікі Беларусь і Нацыянальнай бібліятэкі Беларусі. Выданне прымеркавана да 75-годдзя вызвалення Беларусі ад нямецка-фашысцкіх захопнікаў.

Мастак лірыкі і драмы

14.11.2019

З 14 лістапада па 3 лютага ў зале нотных і аўдыявізуальных дакументаў (пам. 305) праходзіць выстаўка “Мастак лірыкі і драмы”, прысвечаная 100-годдзю з дня нараджэння Мечыслава Вайнберга.

Таямніцы парыжскіх падмосткаў

14.11.2019

З 14 лістапада па 10 снежня ў зале дакументаў па мастацтве (пам. 306) праходзіць кніжна-ілюстрацыйная выстаўка “Таямніцы парыжскіх падмосткаў”, прысвечаная 155-годдзю з дня нараджэння выдатнага французскага жывапісца і графіка Анры дэ Тулуз-Латрэка (1864–1901).

Спектакль у бібліятэцы: малышам паказалі казку пра сапраўднае сяброўства

06.11.2019

“Як забавіць дзіця на канікулах?” – думаюць выхавальнікі, настаўнікі і бацькі школьнікаў. Але пастаянных гасцей Нацыянальнай бібліятэкі Беларусі не турбуе гэтае пытанне. Яны ведаюць, што іх малышэй чакаюць займальныя спектаклі ў нашай канферэнц-зале.

Перамагчы дыябет!

13.11.2019

З 13 лістапада па 18 снежня ў зале дакументаў міжнародных арганізацый (пам. 207g) працуе тэматычная кніжная выстаўка “Перамагчы дыябет!”, прысвечаная Сусветнаму дню барацьбы з дыябетам.

Размова з адвакатам аб зваротах грамадзян

15.11.2019

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.



111