ГалоўнаяМерапрыемствыПрэзентацыя кнігі “Трасцянец. Трагедыя народаў Еўропы”
Прэзентацыя кнігі "Прыгоды вялікай Кнігі"
Запрашаем на фотавыстаўку Уладзіслава Цыдзіка “Бачу Беларусь такой”

Прэзентацыя кнігі “Трасцянец. Трагедыя народаў Еўропы”

Прэзентацыя кнігі “Трасцянец. Трагедыя народаў Еўропы”
Іншыя мерапрыемствы
23 кастрычніка
Дата правядзення
16.00–17.00
Час правядзення
атрыум 2-га паверха
Месца правядзення

23 кастрычніка ў бібліятэцы пройдзе прэзентацыя кнігі “Трасцянец. Трагедыя народаў Еўропы”, якая нядаўна выйшла ў выдавецтве “Беларуская Энцыклапедыя імя Петруся Броўкі” на беларускай, рускай і англійскай мовах.

Яе аўтар – загадчыца аддзела навукова-даследчай работы Беларускага дзяржаўнага музея Вялікай Айчыннай вайны Наталля Яцкевіч.

У творы распавядаецца пра трагічныя падзеі, якія адбываліся ў 1941–1944 гадах каля вёскі Малы Трасцянец Мінскага раёна, дзе існавала найбуйнейшая ў Савецкім Саюзе нацысцкая “фабрыка смерці”.

Трасцянец – адно з 8 самых буйных у Еўропе месцаў масавага знішчэння людзей: ахвярамі сталі 206 з паловай тысяч ваеннапалонных і мірных жыхароў з Аўстрыі, Германіі, СССР і іншых краін.

У кнізе змешчаны гістарычныя звесткі аб вёсках Малы і Вялікі Трасцянец, іх ваколіцах, апісанне Трасцянецкага мемарыяла.

Прэзентацыя пачнецца а 16-й у атрыуме 2-га паверха. Напрыканцы мерапрыемства запланавана аўтограф-сесія.

Тэлефон для даведак: (8 017) 293 28 81.
Е-mail: pr@nlb.by

Чытайце таксама, як прайшла прэзентацыя кнігі "Трасцянец. Трагедыя народаў Еўропы".

Мерапрыемствы

“Каб чалавек жыў як чалавек…”: да 100-годдзя з дня нараджэння Івана Мележа і Івана Шамякіна

22.01.2021

28 студзеня а 16-й гадзіне ў галерэі “Атрыум” (3-ці паверх) адкрыецца літаратурна-мастацкая выстаўка “Каб чалавек жыў як чалавек…”, прысвечаная 100-годдзю з дня нараджэння беларускіх пісьменнікаў Івана Мележа і Івана Шамякіна.

Размова з адвакатам аб вырашэнні спрэчных пытанняў з суседзямі

20.01.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Мір, салідарнасць, давер, адзінства!

19.01.2021

З 19 студзеня па 17 лютага ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Мір, салідарнасць, давер, адзінства!”, прысвечаная Міжнароднаму году міру і даверу.

Музейныя заняткі “Факсіміле”

19.01.2021

Запрашаем дзетак 5–12 гадоў далучацца да “Клуба кніжных прафесараў” і ўдзельнічаць у музейных занятках “Факсіміле”.

Тандэм натхнення

15.01.2021

З 15 студзеня па 22 лютага ў зале дакументаў па мастацтве (пам. 306) праходзіць кніжна-ілюстрацыйная выстаўка “Тандэм натхнення”, прысвечаная 90-годдзю з дня нараджэння беларускіх мастакоў Георгія Георгіевіча Паплаўскага (1931–2017) і Наталлі Мікалаеўны Паплаўскай (1931).



Бібліятэкарам
111