ГалоўнаяМерапрыемствыЗапрашаем на прэзентацыю кнігі “Бачу Беларусь такой” і фотавыстаўку Уладзіслава Цыдзіка
Запрашаем на фотавыстаўку Уладзіслава Цыдзіка “Бачу Беларусь такой”
Пяшчотная, мілая, добрая

Запрашаем на прэзентацыю кнігі “Бачу Беларусь такой” і фотавыстаўку Уладзіслава Цыдзіка

Запрашаем на прэзентацыю кнігі “Бачу Беларусь такой” і фотавыстаўку Уладзіслава Цыдзіка
Іншыя мерапрыемствы
16 кастрычніка
Дата правядзення
16.00–17.00
Час правядзення
галерэя “Ракурс” (2-гі паверх)
Месца правядзення

16 кастрычніка ў бібліятэцы пройдуць прэзентацыя кнігі “Бачу Беларусь такой” і фотавыстаўка Уладзіслава Цыдзіка, прысвечаныя Году малой радзімы.

Краіна, дзе любоў, спакой,
Дзе радасць напаўняе грудзі,
Я бачу Беларусь такой.
Няхай шчаслівым лёс наш будзе!

Алена Стэльмах

Велічная і грандыёзная, старажытная і юная, зялёная і блакітная – такою бачыцца Беларусь нераўнадушнаму фатографу. У кнізе "Бачу Беларусь такой" аўтар здымкаў Уладзіслаў Цыдзік разам с 65 беларускімі паэтамі выказваюць свае шчырыя пачуцці да роднай зямлі.

Кніга пабачыла свет сёлета ў Выдавецкім доме "Звязда" і была выдадзена на трох мовах: беларускай, англійскай і рускай. Яна адлюстроўвае разнастайныя куткі нашай краіны. "Бачу Беларусь такой" – своеасаблівы працяг тэмы, распачатай два гады таму ў фотальбоме "Зачараваны Беларуссю". Асаблівасцю новага выдання сталі апублікаваныя ў ім вершы таленавітых сучаснікаў.

Укладальніца абодвух выданняў – пісьменніца, першы намеснік старшыні Саюза пісьменнікаў Беларусі Алена Стэльмах.

Пільнае вока прафесійнага майстра не толькі ўглядваецца ў постаці і твары – Уладзіслаў Цыдзік разглядае і ў прыродзе, і ў розных аб’ектах, і ў людзях нешта галоўнае, сутнаснае, што дапамагае ўявіць нашу краіну ва усіх колерах і фарбах.

“Бачу Беларусь такой” – гэта своеасаблівы падарунак Саюза пісьменнікаў Беларусі Году малой радзімы. Іміджавы для краіны праект ажыццяўляецца пры падтрымцы Міністэрства інфармацыі Рэспублікі Беларусь.


Мерапрыемства пачнецца а 16.00 у галерэі "Ракурс" (2-гі паверх).

Выстаўка здымкаў, якія ўвайшлі ў новую кнігу, адкрыецца падчас прэзентацыі і будзе доўжыцца да 16 лістапада 2018 г.

Дата заканчэння работы фотавыстаўкі можа быць зменена.

Тэлефоны для даведак: (8 017) 293 29 80, 293 28 33, 293 28 81.
Е-mail: pr@nlb.by

Чытайце таксама, як прайшла прэзентацыя кнігі “Бачу Беларусь такой” і адкрыццё фотавыстаўкі Уладзіслава Цыдзіка.
Мерапрыемствы

“Каб чалавек жыў як чалавек…”: да 100-годдзя з дня нараджэння Івана Мележа і Івана Шамякіна

22.01.2021

28 студзеня а 16-й гадзіне ў галерэі “Атрыум” (3-ці паверх) адкрыецца літаратурна-мастацкая выстаўка “Каб чалавек жыў як чалавек…”, прысвечаная 100-годдзю з дня нараджэння беларускіх пісьменнікаў Івана Мележа і Івана Шамякіна.

Размова з адвакатам аб вырашэнні спрэчных пытанняў з суседзямі

20.01.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Мір, салідарнасць, давер, адзінства!

19.01.2021

З 19 студзеня па 17 лютага ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Мір, салідарнасць, давер, адзінства!”, прысвечаная Міжнароднаму году міру і даверу.

Музейныя заняткі “Факсіміле”

19.01.2021

Запрашаем дзетак 5–12 гадоў далучацца да “Клуба кніжных прафесараў” і ўдзельнічаць у музейных занятках “Факсіміле”.

Тандэм натхнення

15.01.2021

З 15 студзеня па 22 лютага ў зале дакументаў па мастацтве (пам. 306) праходзіць кніжна-ілюстрацыйная выстаўка “Тандэм натхнення”, прысвечаная 90-годдзю з дня нараджэння беларускіх мастакоў Георгія Георгіевіча Паплаўскага (1931–2017) і Наталлі Мікалаеўны Паплаўскай (1931).



Бібліятэкарам
111