ГалоўнаяМерапрыемствыЗачараваныя мастацтвам
Міжнародны навуковы круглы стол “Сучасныя біблейскія даследаванні”
Міжнародны навуковы круглы стол “Беларускія пераклады Бібліі: гісторыя і сучаснасць”

Зачараваныя мастацтвам

Зачараваныя мастацтвам
Іншыя мерапрыемствы
10 кастрычніка – 18 лістапада
Дата правядзення
10.00–21.00
Час правядзення
пам. 306
Месца правядзення

З 10 кастрычніка па 18 лістапада ў зале дакументаў па мастацтве (пам. 306) праходзіць кніжна-ілюстрацыйная выстаўка “Зачараваныя мастацтвам”, прысвечаная 80-годдзю Беларускага саюза мастакоў.

Стваральнікі і майстры, таленты і энтузіясты, творцы, якія здолелі захаваць гістарычную панараму нашага жыцця, унесці ў выяўленчае мастацтва нацыянальны каларыт, новыя канцэпцыі і формы, закласці падмурак майстэрства для пераемнікаў і будучых пакаленняў – усё гэта члены Беларускага саюза мастакоў, аднаго з найстарэйшых творчых аб’яднанняў рэспублікі.

Саюз і яго ўдзельнікі прайшлі няпросты гістарычны шлях: рэпрэсіі 30-х гадоў, Вялікая Айчынная вайна, барацьба з фармалізмам у мастацтве, засілле сацрэалізму і немагчымасць мастакоў рэалізаваць свае творчыя ідэі. Шмат чаго давялося перажыць, за многае змагацца, шмат чаго дасягнуць. Сёння Беларускі саюз мастакоў – гэта значнае для краіны аб’яднанне майстроў выяўленчага мастацтва, якія займаюцца не толькі творчасцю, але і арганізацыяй рэспубліканскіх і міжнародных пленэраў і выставак, выкладчыцкай дзейнасцю, прапагандай айчыннага мастацтва за мяжой.

Выстаўка экспануе творчасць вядучых майстроў Беларускага саюза мастакоў. Матэрыялы прадстаўлены па відах выяўленчага мастацтва: жывапісе, графіцы, скульптуры, дэкаратыўна-прыкладным, тэатральна-дэкарацыйным, манументальна-дэкаратыўным мастацтве, сучасных арт-практыках, а таксама па мастацкай крытыцы і мастацтвазнаўстве.

Экспазіцыя прыцягне ўвагу разнастайнасцю кірункаў, вобразаў, жанраў, форм, тэхнік, у якіх выкананы работы членаў Саюза мастакоў. Сярод іх – рэпрадукцыі твораў жывапісцаў М. Станюты, М. Савіцкага, У. Стальмашонка, Г. Вашчанкі, В. Грамыкі, В. Цвіркі, І. Ахрэмчыка, М. Данцыга, Л. Шчамялёва, П. Масленікава; графікаў А. Кашкурэвіча, В. Шаранговіча, А. Басалыгі, М. Басалыгі, Р. Сітніцы, В. Слаука, В. Сташчанюка, Г. Паплаўскага, А. Лось, У. Правідохіна; скульптараў З. Азгура, А. Бембеля, А. Анікейчыка, А. Глебава, В. Занковіча, С. Селіханава, І. Міско, У. Слабодчыкава; майстроў дэкаратыўна-прыкладнога мастацтва М. Міхалапа, А. Кішчанкі, У. Мурахвера, Л. Мягковай, Л. Пятруль і іншых. Побач з рэпрадукцыямі твораў мэтраў айчыннага мастацтва суседнічаюць работы маладых аўтараў, прадаўжальнікаў традыцый, творцаў сучаснага Саюза мастакоў, будучага беларускага мастацтва.

Дапаўняюць выстаўку матэрыялы, прысвечаныя гісторыі Беларускага саюза мастакоў, яго станаўленню, развіццю і сучаснаму стану, абласным арганізацыям і структурам Саюза, творчым аб’яднанням “Пагоня”, “Квадрат”, беларускім навучальным установам, якія рыхтуюць будучых майстроў. Выклічуць цікавасць каталогі выставак, буклеты і артыкулы, інфармацыя аб фестывалях, рэгіянальных і міжнародных пленэрах і іншых мерапрыемствах з жыцця і дзейнасці Беларускага саюза мастакоў.

Усяго экспазіцыя налічвае больш за 50 дакументаў.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра бібліятэкі.

Тэлефон для даведак: (8 017) 293 27 53.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Будучыня за моладдзю!

07.08.2020

З 7 жніўня па 14 верасня ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Будучыня за моладдзю!”, прысвечаная Міжнароднаму дню моладзі.

Самы час ствараць гербарый!

05.08.2020

Запрашаем да цікавага творчага даследавання. Застаўся адзін месяц лета, і вакол нас вялікая колькасць разнастайных раслін. Прапануем збіраць кветкі і травы, ствараць уласны гербарый і параўноўваць з выявамі ў старадруках. Ці так выглядалі расліны 500 гадоў таму? Размяшчайце цяперашнія кветкі побач з гравюрай з мінулага і параўноўвайце!

Пра сучасную Беларусь распавядае новая выстава бібліятэкі

05.08.2020

У Нацыянальнай бібліятэцы Беларусі, найбуйнейшым інфармацыйным цэнтры рэспублікі, сабрана максімальная колькасць аб’ектыўнай інфармацыі пра нашу краіну. Новая тэматычная выстава “Беларусь сёння” адкрылася ў зале перыядычных выданняў (пам. 106, 1-ы паверх).

Многа-многа зрабіць

04.08.2020

У зале беларускай літаратуры (пам. 205) з 4 жніўня па 1 кастрычніка праходзіць выстаўка “Многа-многа зрабіць”, прымеркаваная да 70-годдзя Анатоля Леанідавіча Вераб'я – беларускага крытыка і літаратуразнаўца, кандыдата філалагічных навук, педагога, рэдактара, члена Саюза пісьменнікаў Беларусі, лаўрэата Літаратурнай прэміі імя У. Калесніка.

Брытанская канстытуцыя як прававы феномен

03.08.2020

З 3 жніўня па 11 кастрычніка ў зале прававой інфармацыі (пам. 207b) адкрыта тэматычная выстаўка “Брытанская канстытуцыя як прававы феномен”, прысвечаная 805-годдзю падпісання Вялікай хартыі вольнасцей.

Наперадзе часу

24.07.2020

100-годдзю з дня нараджэння пісьменнікаў-фантастаў Айзека Азімава і Рэя Брэдберы прысвечана выстаўка “Наперадзе часу”, якая размешчана ў кальцавым калідоры 3-га паверха бібліятэкі.



111