Дата правядзення
Час правядзення
Месца правядзення
З 4 кастрычніка па 30 лістапада на выставачнай пляцоўцы 3-га паверха праходзіць выстаўка “Вечны вандроўнік”, прымеркаваная да 130-годдзя з дня нараджэння мастака, пісьменніка і філосафа Язэпа Драздовіча.
Пачатак ХХ ст. спарадзіў яскравае пакаленне беларускай інтэлігенцыі, да якога належаў і Язэп Драздовіч – мастак, скульптар, пісьменнік, паэт, этнограф, археолаг, астраном-аматар, філосаф.
Вялікі патрыёт Бацькаўшчыны, ён абраў шлях вандроўніка і аўтсайдара, які здзяйсняе бясконцыя падарожжы-тулянні па роднай зямлі – ад хутара да хутара, ад вёскі да вёскі, перабіваючыся выпадковымі заробкамі. Але ўспрымаў гэты свой шлях не драматычна, а як служэнне народу, вяртанне яму даўгоў. Ужо пры жыцці Язэпа Драздовіча называлі першым нацыянальным мастаком і стваральнікам “беларускага стылю”.
На выстаўцы “Вечны вандроўнік” прадстаўлена каля 30 дакументаў з фондаў, прысвечаных даследаванню спадчыны Язэпа Драздовіча, прыжыццёвыя выданні яго твораў “Вялікая шышка” і “Нябесныя бегі”, а таксама кніг і часопісаў, ілюстратарам якіх быў сам мастак.
Экспазіцыя будзе цікавай для даследчыкаў і аматараў мастацкай і літаратурнай спадчыны Беларусі.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра бібліятэкі.
