ГалоўнаяМерапрыемствыНапярэдадні Дня бібліятэк у канферэнц-зале “алмаза ведаў” павіншавалі лепшых па прафесіі
Размова з адвакатам аб абароне праў спажыўца
Разам на карысць міру!

Напярэдадні Дня бібліятэк у канферэнц-зале “алмаза ведаў” павіншавалі лепшых па прафесіі

Напярэдадні Дня бібліятэк у канферэнц-зале “алмаза ведаў” павіншавалі лепшых па прафесіі
Іншыя мерапрыемствы
14 верасня
Дата правядзення
09.00–10.00
Час правядзення
канферэнц-зала
Месца правядзення

Перадсвяточны дзень у Нацыянальнай бібліятэцы пачаўся з канцэрта – прыйшоў час падводзіць вынікі конкурсу прафесійнага майстэрства на званне “Лепшы па прафесіі”.

10-я юбілейная цырымонія ўзнагароджання прайшла ў атмасферы цяпла і ўтульнасці – аб гэтым з самай раніцы паклапаціліся энергічныя вядучыя Кацярына Веразуб і Антон Гуд. Лепшым з лепшых уручылі ганаровыя дыпломы – прафесійныя якасці такіх супрацоўнікаў павышаюць прэстыж бібліятэчнай справы і, у прыватнасці, Нацыянальнай бібліятэкі.

У намінацыі “За лідарства і паспяховае кіраўніцтва” пераможцамі сталі:

  • Бандарчук Вольга Валяр’янаўна – загадчыца сектара сацыяльных і маркетынгавых даследаванняў навукова-даследчага аддзела бібліятэказнаўства;
  • Бурая Галіна Аляксандраўна – намеснік галоўнага бухгалтара сектара ўліку пазабюджэтных сродкаў бухгалтэрыі;
  • Варанько Дзяніс Анатольевіч – загадчык сектара захоўвання і абслугоўвання экспазіцыйных матэрыялаў аддзела галерэйна-выставачнай дзейнасці;
  • Каламіец Алена Віктараўна – загадчыца сектара абслугоўвання перыядычнымі выданнямі аддзела абслугоўвання спецыялізаванымі фондамі;
  • Сянчук Аляксандр Міхайлавіч – загадчык аддзела эксплуатацыі будынка і абсталявання;
  • Смаляга Галіна Рыгораўна – загадчыца сектара арганізацыі фондаў аддзела захоўвання спецыялізаваных фондаў.

У намінацыі “Лепшы па прафесіі” дыпломы атрымалі:

  • Варановіч Таццяна Анатольеўна – галоўны бібліятэкар сектара агульнага абслугоўвання аддзела бібліятэчнага абслугоўвання;
  • Гневашаў Глеб Валер’евіч – вядучы інжынер-электронік сектара адміністравання сістэмнага праграмнага забеспячэння інфармацыйна-вылічальнага аддзела;
  • Доўгі Руслан Валер’евіч – галоўны бібліятэкар сектара маніторынгу, набыцця і распаўсюджвання электронных інфармацыйных рэсурсаў;
  • Крышэвіч Аляксандр Мікалаевіч – тэхнік 1-й катэгорыі аддзела эксплуатацыі будынка і абсталявання;
  • Папроцкая Таццяна Пятроўна – загадчыца сектара аператыўнага інфармавання інфармацыйна-аналітычнага аддзела;
  • Шопіна Марыя Міхайлаўна – галоўны бібліятэкар сектара музейнай дзейнасці навукова-даследчага аддзела кнігазнаўства.

Быстрова Кацярына Сяргееўна – бібліёграф 2-й катэгорыі сектара краязнаўчай дзейнасці навукова-даследчага аддзела бібліяграфіі – перамагла ў намінацыі “Лепшы малады спецыяліст”.

Яроха Таццяна Анатольеўна – галоўны бібліёграф сектара інфармацыйна-бібліяграфічнага абслугоўвання аддзела даведачна-інфармацыйнага абслугоўвання – стала лепшай у намінацыі “За ўклад у развіццё бібліятэчнай справы”.

Сіліч Ніна Уладзіміраўна – загадчыца сектара выпуску прадукцыі выдавецкага аддзела – атрымала дыплом у намінацыі “За вернасць і адданасць прафесіі”.

Не забылі адзначыць і новае папаўненне супрацоўнікаў – сертыфікатамі маладога спецыяліста ўганаравалі: Дар’ю Столяр, Кірыла Шульгу, Уладзіслава Цейко, Вадзіма Кулакова, Аляксандра Карповіча, Наталлю Мужыла, Наталлю Марэцкую, Ванесу Карпаву, Максіма Каспяровіча, Уладзіслава Загдай, Лізавету Сіроткіну, Аляксандру Шпілеўскую.

У перапынках паміж узнагароджаннем работнікаў бібліятэкі здзіўлялі выступленні Сержа Бэлтана з яго віртуознай ігрой на электраскрыпцы, харэаграфічная кампазіцыя шоу-дуэта “Арбат”, выдатнае выкананне песні “Мы ў гэтым жыцці” загадчыцай сектара культурна-масавай работы аддзела культурна-відовішчнай дзейнасці Нацыянальнай бібліятэкі Беларусі Наталлі Жывалкоўскай і акрабатычны нумар Марыі Люзінай, выхаванкі Цэнтра дадатковай адукацыі дзяцей і моладзі “Арт”. Заключным акордам канцэрта прагучала выступленне ансамбля “Верасы”.

Мерапрыемствы

“Каб чалавек жыў як чалавек…”: да 100-годдзя з дня нараджэння Івана Мележа і Івана Шамякіна

22.01.2021

28 студзеня а 16 гадзіне ў галерэі “Атрыум” (3-ці паверх) адкрыецца літаратурна-мастацкая выстаўка “Каб чалавек жыў як чалавек…”, прысвечаная 100-годдзю з дня нараджэння беларускіх пісьменнікаў Івана Мележа і Івана Шамякіна.

Размова з адвакатам аб вырашэнні спрэчных пытанняў з суседзямі

20.01.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Мір, салідарнасць, давер, адзінства!

19.01.2021

З 19 студзеня па 17 лютага ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Мір, салідарнасць, давер, адзінства!”, прысвечаная Міжнароднаму году міру і даверу.

Музейныя заняткі “Факсіміле”

19.01.2021

Запрашаем дзетак 5–12 гадоў далучацца да “Клуба кніжных прафесараў” і ўдзельнічаць у музейных занятках “Факсіміле”.

Тандэм натхнення

15.01.2021

З 15 студзеня па 22 лютага ў зале дакументаў па мастацтве (пам. 306) праходзіць кніжна-ілюстрацыйная выстаўка “Тандэм натхнення”, прысвечаная 90-годдзю з дня нараджэння беларускіх мастакоў Георгія Георгіевіча Паплаўскага (1931–2017) і Наталлі Мікалаеўны Паплаўскай (1931).

Сусветныя экасістэмы: захаванне, ахова, аднаўленне

12.01.2021

З 12 студзеня па 14 лютага ў зале дакументаў міжнародных арганізацый (пам. 207g) адкрыта тэматычная выстава “Сусветныя экасістэмы: захаванне, ахова, аднаўленне”, прысвечаная Дзесяцігоддзю Арганізацыі Аб’яднаных Нацый па аднаўленні экасістэм (2021–2030).



Бібліятэкарам
111