Бяспека ў Сеціве: у бібліятэцы даследуюць сусвет інтэрнэту

З 10 верасня па 28 снежня ў выставачным комплексе бібліятэкі (пам. 104) працуе інтэрактыўны праект “Сусвет інтэрнэту”.

Выстаўка разлічана на школьнікаў і складаецца з шасці інтэрактыўных зон, якія прысвечаны гісторыі інтэрнэту, правілам паводзін у Сеціве, бяспечнаму кантэнту і абароне асабістай інфармацыі. У гульнявой форме дзеці навучацца карыстацца антывіруснымі праграмамі, генераваць складаныя паролі, даведаюцца, якую інфармацыю можна размяшчаць у сацыяльных сетках і як пазбегнуць кібербулінгу.

Праект рэалізаваны кампаніяй МТС пры падтрымцы Міністэрства адукацыі, Галоўнага інфармацыйна-аналітычнага цэнтра Міністэрства адукацыі і Дзіцячага фонду ААН (ЮНІСЕФ).

Наведаць выстаўку бясплатна змогуць усе жадаючыя, папярэдне зарэгістраваўшыся на сайце detivinternete.by.