Лета – сезон доўгачаканых адпачынкаў! Хочацца хутчэй завяршыць усе неадкладныя справы, сабраць чамадан і паляцець да мора і сонца, пагрэцца на пясчаных пляжах ў далёкіх экзатычных краінах ці адправіцца ў экскурсійную паездку па Еўропе. Балазе, сёння рынак турыстычных паслуг прапануе велізарны выбар разнастайных падарожжаў на любы густ. Аб розных варыянтах летняга адпачынку за мяжой чытачам раскажуць публікацыі ў часопісах “Турист”, “Планета”, “Дело”, “Турбизнес”, “Вокруг света” і інш.

Не менш цікава і займальна можна арганізаваць свой адпачынак і ў Беларусі. Сінія азёры, запаведныя лясы, помнікі старажытнай архітэктуры, славутыя замкі – у нас таксама ёсць на што паглядзець! Агратурызм, аздараўленчыя туры, знаёмства з беларускай культурай – самыя папулярныя турыстычныя напрамкі ў 2018 годзе. Даведацца больш пра адпачынак у Беларусі дапамогуць артыкулы з часопісаў “Родная прырода”, “Белая вежа”, “Беларусь”, “Беларуская думка” і інш.

Усяго ў экспазіцыі прадстаўлена больш за 30 перыядычных выданняў.

Час работы выстаўкі адпавядае рэжыму работы бібліятэкі.

Уваход – па чытацкім білеце або білеце сацыякультурнага цэнтра бібліятэкі.

Спіс літаратуры

Тэлефон для даведак: (8 017) 293 25 87.