ГалоўнаяМерапрыемствыДзяцей запрашае дзіцячы пакой Нацыянальнай бібліятэкі
Палюбуйцеся відамі сталіцы з агляднай пляцоўкі Нацыянальнай бібліятэкі
Выстаўка савецкіх плакатаў пра здаровы лад жыцця

Дзяцей запрашае дзіцячы пакой Нацыянальнай бібліятэкі

Дзяцей запрашае дзіцячы пакой Нацыянальнай бібліятэкі
Іншыя мерапрыемствы
1-шы паверх, дакантрольная зона
Месца правядзення
Тэлефон: (8 017) 293 25 34
Дэталёвая інфармацыя

Графік работы:

аўторак – субота: 10.00–18.00;
панядзелак, нядзеля – выхадныя дні.

Наведванне дзіцячага пакоя платнае.

У дзіцячым пакоі наведвальнікі Нацыянальнай бібліятэкі могуць пакінуць сваіх дзяцей ад 3 да 10 гадоў пад доглядам прафесійных педагогаў-псіхолагаў. Перыяд знаходжання ў ім дзіцяці не павінен перавышаць трох гадзін, але пры жаданні дзіцяці і яго бацькоў знаходжанне ў дзіцячым пакоі можна падоўжыць. .

Супрацоўнікі дзіцячага пакоя распрацавалі цыкл групавых заняткаў развіццёвага і забаўляльнага характару, што ўключае святочныя мерапрыемствы, літаратурныя чытанні, творчыя заняткі, майстар-класы.

Адна з папулярных паслуг – экскурсія для дзяцей "Дзень нараджэння ў бібліятэцы".

Для камфортнага і займальнага баўлення часу дзяцей у дзіцячым пакоі створана ўсе ўмовы. Гульнёвая прастора пакоя запоўнена разнастайнымі цацкамі і развіваючымі дапаможнікамі: лялькамі, машынкамі, мячыкамі, канструктарамі, мазаікамі. Тут ёсць таксама цацачны домік "Чарадзейны кіёск", домік лялькі Барбі, лато, тэтрысы, мяккія пазлы, дзіцячыя музычныя інструменты і многае іншае.
Маленькім наведвальнікам прапануюць вялікі выбар дзіцячых кніг, мультфільмаў і кінафільмаў, а для юных музыкаў – дыскі з вядомымі і любімымі дзіцячымі песенькамі.
У пакоі можна пакатацца на горцы і пазаймацца фізкультурай на "шведскай сценцы". Дадатковы камфорт ствараюць мяккія канапкі, якія лёгка трансфармуюцца для правядзення рухавых гульняў.

Згодна з "Правіламі карыстання дзіцячым пакоем Нацыянальнай бібліятэкі Беларусі" пры прыёме дзіцяці неабходна:

  • прад’явіць пашпарт або від на жыхарства;
  • паведаміць супрацоўніку дзіцячага пакоя пра асаблівасці псіхалогіі і паводзін дзіцяці.

Дадаткова рэкамендуецца:

  • для камфорту дзіцяці ў дзіцячым пакоі можна прынесці з сабой зменны дзіцячы абутак і вопратку;
  • для хуткай сувязі па тэлефоне ў час вашай працы ў чытальнай зале выкарыстоўваць рабочае месца чытача, якое знаходзіцца паблізу рабочага месца дзяжурнага бібліятэкара.

У дзіцячым пакоі забараняецца пакідаць дзецям:

  • прадукты харчавання і напоі;
  • лекі;
  • каштоўныя рэчы;
  • прадметы, якія могуць пры неасцярожным выкарыстанні нанесці шкоду здароўю дзіцяці.

Тэлефон для даведак: (8 017) 293 25 34.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Без пэндзліка і фарбаў

22.11.2019

27 лістапада дзіцячы пакой запрашае дзяцей на майстар-клас па пластылінавым жывапісе “Без пэндзліка і фарбаў”.

Разарваць кола маўчання: жанчыны і насілле

21.11.2019

З 21 лістапада 2019 г. па 9 студзеня 2020 г. у аддзеле абслугоўвання афіцыйнымі дакументамі Нацыянальнай бібліятэкі Беларусі (пам. 207) адкрыта тэматычная кніжная выстаўка “Разарваць кола маўчання: жанчыны і насілле”, прысвечаная Міжнароднаму дню барацьбы за ліквідацыю насілля адносна жанчын.

Партызанскі архіў: бібліятэка прэзентуе мультымедыйныя выданні

18.11.2019

19 лістапада а 16-й гадзіне ў бібліятэцы адбудзецца прэзентацыя першага выпуску серыі мультымедыйных выданняў “Партызанскі архіў” – электроннага дакументальнага выдання “Аператыўныя і разведвальныя зводкі Беларускага штаба партызанскага руху: 1944 год” – сумеснага праекта Нацыянальнага архіва Рэспублікі Беларусь і Нацыянальнай бібліятэкі Беларусі. Выданне прымеркавана да 75-годдзя вызвалення Беларусі ад нямецка-фашысцкіх захопнікаў.

Мастак лірыкі і драмы

14.11.2019

З 14 лістапада па 3 лютага ў зале нотных і аўдыявізуальных дакументаў (пам. 305) праходзіць выстаўка “Мастак лірыкі і драмы”, прысвечаная 100-годдзю з дня нараджэння Мечыслава Вайнберга.

Таямніцы парыжскіх падмосткаў

14.11.2019

З 14 лістапада па 10 снежня ў зале дакументаў па мастацтве (пам. 306) праходзіць кніжна-ілюстрацыйная выстаўка “Таямніцы парыжскіх падмосткаў”, прысвечаная 155-годдзю з дня нараджэння выдатнага французскага жывапісца і графіка Анры дэ Тулуз-Латрэка (1864–1901).

Спектакль у бібліятэцы: малышам паказалі казку пра сапраўднае сяброўства

06.11.2019

“Як забавіць дзіця на канікулах?” – думаюць выхавальнікі, настаўнікі і бацькі школьнікаў. Але пастаянных гасцей Нацыянальнай бібліятэкі Беларусі не турбуе гэтае пытанне. Яны ведаюць, што іх малышэй чакаюць займальныя спектаклі ў нашай канферэнц-зале.



111