Экспазіцыя налічвае каля 200 выданняў. У яе ўключаны выданні, якія расказваюць пра станаўленне беларускай дзяржаўнасці, сучасны стан развіцця краіны, дасягненні ў сацыяльна-эканамічнай, навуковай і культурнай сферах, знешнепалітычныя і знешнеэканамічныя сувязі. На выстаўцы знайшлі адлюстраванне лепшыя традыцыі беларускага народа, унікальныя прыродныя багацці краіны.

Чытачы і наведвальнікі маюць магчымасць пазнаёміцца з самымі новымі кнігамі беларускіх выдавецтваў, якія пабачылі свет у апошнія тры гады.

Асобны раздзел выстаўкі – “Вобразы мілыя роднага краю” – прысвечаны Году малой радзімы. У ім змешчаны выданні аб буйных гарадах, раённых цэнтрах, маляўнічых мясцінах і запаведных кутках нашай краіны.

Раздзел “Краіна Беларусь” змяшчае выданні па гісторыі роднага краю, грамадска-палітычную і сацыяльную літаратуру пра сучасны стан рэспублікі і шляхі яе далейшага развіцця.

У заключнай экспазіцыйнай частцы “Сучасны партрэт культуры і мастацтва Беларусі” дэманструюцца кнігі пра культурна-гістарычную спадчыну, помнікі культавай архітэктуры, энцыклапедычныя даведнікі, фотаальбомы, буклеты, якія раскрываюць багатае культурнае жыццё і прывабны імідж Беларусі.

Выстаўка будзе актуальнай для тых, хто цікавіцца развіццём і сучасным станам Беларусі, і разлічана на шырокую аўдыторыю.

Экспазіцыя размешчана на 2-м паверсе кальцавога калідора і будзе доўжыцца да 30 жніўня 2018 г.

Час работы выстаўкі адпавядае рэжыму работы бібліятэкі.

Уваход – па чытацкім білеце або білеце сацыякультурнага цэнтра бібліятэкі.

Спіс літаратуры па тэме

Тэлефон для даведак: (8 017) 293 28 86.