Месца правядзення
З 29 мая па 27 жніўня ў зале прававой інфармацыі (пам. 207b) адкрыта тэматычная выстаўка “Праваслаўе ў прававым полі дзяржавы: да 1030-годдзя Хрышчэння Русі”.
Кожны чалавек ад Бога надзелены годнасцю і свабодай. Правы чалавека, прававая дзяржава, дэмакратыя – усе гэтыя каштоўнасці народжаны ў нетрах хрысціянскай цывілізацыі. Хрысціянства дэсакралізавала свецкую ўладу і зрабіла любы зямны аўтарытэт адносным. Чалавечая сумленне, імкненне асобы да дабра і праўды сталі асноўнымі меркамі жыцця дзяржавы і грамадства. Многія грамадзяне хрысціянскіх краін могуць страціць веру, але тым не менш працягнуць жыць каштоўнасцямі, якія дало ім хрысціянства. Свабода сумлення – гэта цэнтральны, стрыжнёвы прынцып, на якім грунтуюцца не толькі правы і свабоды чалавека, але і яго грамадская бяспека і павага да асобы. Многія нашы суайчыннікі заплацілі самую дарагую цану за тое, каб мы мелі гэты каштоўны дар – свабоду светапогляду.
Беларусь, знаходзячыся паміж Усходам і Захадам, на працягу свайго гістарычнага развіцця была прадметам саперніцтва і спрэчак розных рэлігій. Сучасная мадэль дзяржаўна-канфесійных адносін у нашай краіне будуецца на Канстытуцыі Рэспублікі Беларусь, Законе Рэспублікі Беларусь “Аб свабодзе сумлення і рэлігійных арганізацыях” і іншых прававых актах з улікам вопыту іншых краін і гістарычнага вопыту беларускага народа. Усе гэтыя дакументы – аснова прававой базы, якая забяспечвае свабоду сумлення і веравызнання кожнага грамадзяніна. У нашай краіне зроблена спроба комплекснага прымянення міжнароднага вопыту, калі дзяржава і Царква выступаюць як партнёры пры вырашэнні актуальных праблем у сацыяльна значных галінах жыцця.
За апошнія дзесяцігоддзі рэлігійна-этнічная самасвядомасць народа Беларусі значна ўзрасла, а канфесійны фактар стаў адыгрываць важную ролю ў грамадска-палітычным жыцці грамадства. З рэлігіяй людзі сталі звязваць духоўную стабільнасць, парадак і адраджэнне гістарычных традыцый.
Такім чынам, нацыянальная, адукацыйная, культурная і рэлігійная палітыка дзяржавы павінна быць накіравана на фарміраванне адпаведнага светапогляду, заснаванага на традыцыйных для нашай краіны хрысціянскіх каштоўнасцях. Каб тое лепшае, што створана нашай культурай у мінулым, існавала і ў будучыні, каб нашы дзеці не сталі заложнікамі чужых ідэалогій і культур.
Выстаўка адрасуецца навуковым работнікам, юрыстам, рэлігіязнаўцам, выкладчыкам і студэнтам, якія вывучаюць рэлігійнае права, практыкуючым юрыстам, а таксама шырокаму колу чытачоў, якія цікавяцца пытаннямі свабоды сумлення ў нашай краіне.
Экспазіцыя налічвае больш за 80 дакументаў: кніг, брашур, перыядычных выданняў.
Выстаўка ўключае наступныя тэматычныя раздзелы:
- Праваслаўная царква ў сістэме ўзаемаадносін дзяржавы і грамадства ў Расійскай імперыі
- Асноўныя напрамкі дзейнасці Савецкай дзяржавы ў адносінах да Праваслаўнай царквы ў БССР
- Дынаміка дзяржаўна-канфесійных адносін у Беларусі постсавецкага перыяду
- Канстытуцыйна-прававыя асновы свабоды веравызнання ў Рэспубліцы Беларусь
- Рэлігійныя каштоўнасці ў структуры ідэалогіі сучаснай беларускай дзяржавы
- Роля рэлігійнага фактару ў пытанні забеспячэння нацыянальнай бяспекі Рэспублікі Беларусь
- Прававое рэгуляванне дзейнасці рэлігійных арганізацый на тэрыторыі Беларусі
- Узаемадзеянне рэлігійных і прававых нормаў у прававой адукацыі
- Уплыў царкоўна-прававых нормаў на развіццё крымінальнага права
- Рэлігія і адукацыя ў Рэспубліцы Беларусь
- Права бацькоў на рэлігійнае выхаванне дзяцей
Час работы выстаўкі адпавядае рэжыму работы бібліятэкі.
Уваход – па чытацкім білеце ці білеце сацыякультурнага цэнтра бібліятэкі.
Тэлефон для даведак: (8 017) 293 27 28.