ГалоўнаяМерапрыемствы"Погляд, звернуты да радзімы": стартуе другі этап выставачнага праекта да Года малой радзімы
“Рускі Бах”
Роля сям'і ў сучасным свеце

"Погляд, звернуты да радзімы": стартуе другі этап выставачнага праекта да Года малой радзімы

"Погляд, звернуты да радзімы": стартуе другі этап выставачнага праекта да Года малой радзімы
Іншыя мерапрыемствы
15 мая 2018–13 жніўня 2018
Дата правядзення
10.00–20.00
Час правядзення
галерэя "Атрыум" (3-ці паверх)
Месца правядзення

15 мая а 16-й гадзіне на выставачных пляцоўках 3-га паверха адкрыюцца фотапраект “Я сэрцам бачу” і інфармацыйна-дакументальная выстаўка “Тутэйшыя”.

Новыя экспазіцыі ёсць працягам выставачнага праекта Нацыянальнай бібліятэкі “Малая радзіма – аповесць часоў”, прымеркаванага да Года малой радзімы.

У галерэі “Атрыум” (3-ці паверх) сваім асаблівым бачаннем нашай краіны праз прызму фотаапарата падзеляцца знакамітыя фатографы, аб’яднаныя праектам “Я сэрцам бачу” на тэлеканале “Беларусь 24”. Да ўвагі, самыя яркія прысвечаныя Беларусі работы, – гэта працы фотамастакоў Станіслава Багдзевіча, Ігара Бышнёва, Сяргея Плыткевіча, Максіма Мікешына, Сяргея Тарасава, Ільі Гелея, Мікіты Церахава і Аляксандра Меклера.

У кальцавым калідоры 3-га паверха адкрыецца інфармацыйна-дакументальная выстаўка з фондаў бібліятэкі “Тутэйшыя”. Больш за 300 тэматычных выданняў распавядаюць пра славутыя імёны асветнікаў, дыпламатаў, палкаводцаў, касманаўтаў, вынаходнікаў, дзеячаў культуры, спартсменаў, якія нарадзіліся тут – у Беларусі, а таксама вылучыліся сваімі талентам і здольнасцямі за яе межамі. Выстаўка мае шэсць раздзелаў, кожны з якіх прадстаўляе пэўны абласны горад і вобласць у цэлым, і будзе доўжыцца да 31 снежня 2018 года.

Пазнаёміцца з фотавыстаўкай “Я сэрцам бачу” і аддаць свой голас за работу, якая найбольш вам спадабалася, запрашаем у галерыю "Атрыум" 13 жніўня 2018 года.
Дата завяршэння работы выстаўкі можа быць зменена.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра бібліятэкі.

Тэлефоны для даведак: (8 017) 266 37 37, 293 28 23.
Е-mail: pr@nlb.by


Чытайце таксама аб адкрыцці выстаўкі.


Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Служэнне мастацтву

15.01.2020

З 15 студзеня па 26 лютага ў зале нотных і аўдыявізуальных дакументаў (пам. 305) праходзіць выстаўка “Служэнне мастацтву”, прысвечаная 200-годдзю з дня нараджэння Аляксандра Мікалаевіча Сярова (1820–1871).

Плывец па рацэ гісторыі

15.01.2020

З 15 студзеня па 13 лютага ў зале беларускай літаратуры (пам. 205) праходзіць выстаўка “Плывец па рацэ гісторыі”, прысвечаная 80-годдзю з дня нараджэння беларускага пісьменніка, паэта і перакладчыка Леаніда Мартынавіча Дайнекі (1940–2019).

У бібліятэцы адсвяткавалі Каляды

14.01.2020

14 студзеня для супрацоўнікаў Нацыянальнай бібліятэкі Беларусі выступіў народны ансамбль “Шчодрыца”. Гледачоў парадавалі калядныя песні, танцы і жартоўныя святочныя рытуалы.

“Маладнякоўскімі крокамі” ў музеі кнігі

16.01.2020

16 студзеня ў межах рэспубліканскага праекта “На хвалі часу, у плыні жыцця” і Дня літаб’яднання “Маладняк” музей кнігі запрашае а 16-й гадзіне на адкрыццё выставы “Маладнякоўскімі крокамі”.

ЮНКТАД – 55 гадоў развіцця і супрацоўніцтва

26.12.2019

З 26 снежня па 19 студзеня ў зале дакументаў міжнародных арганізацый (пам. 207g) адкрыта тэматычная выстаўка “ЮНКТАД – 55 гадоў развіцця і супрацоўніцтва”, прысвечаная 55-годдзю Канферэнцыі ААН па гандлі і развіцці (ЮНКТАД).



111