ГалоўнаяМерапрыемствыМузейныя заняткі “Біблія Францыска Скарыны”
Дзіцячы пакой запрашае на творчыя заняткі “Птушкі прыляцелі”
Музейныя заняткі “Беларускі буквар”

Музейныя заняткі “Біблія Францыска Скарыны”

Музейныя заняткі “Біблія Францыска Скарыны”
Іншыя мерапрыемствы
21.04–29.04.2018
Дата правядзення
пам. 347
Месца правядзення

Музей кнігі запрашае дзяцей 5–12 гадоў і іх бацькоў на заняткі “Біблія Францыска Скарыны” ў рамках праекта “Клуб кніжных прафесараў”. Заняткі будуць прысвечаны першай беларускай друкаванай кнізе.

Біблія – адна з ключавых кніг чалавецтва. Эпоха кнігадрукавання ў Еўропе пачалася з выхаду ў свет Бібліі Іагана Гутэнберга на лацінскай мове. У другой палове XV стагоддзя лацінскія пераклады Бібліі друкаваліся ў многіх гарадах Заходняй Еўропы. У той жа час кнігу кніг пачалі выдаваць і на нацыянальных мовах.

“Першынцамі” ў ліку нацыянальных Біблій сталі яе выданні на нямецкай, італьянскай, галандскай і чэшскай мовах. Біблія, падрыхтаваная і выдадзеная Францыскам Скарынам, з’яўляецца асаблівай, пра што сведчаць структура выдання, мастацкае афармленне, унікальныя шрыфт і пераклад тэксту.

На занятках дзеці паразважаюць, чаму Францыск Скарына не выдаў Біблію адным фаліянтам, а друкаваў асобнымі кніжкамі невялікага фармату, навошта ён размясціў у кнігах прадмовы і свой партрэт.

Мерапрыемства праводзіцца ў даступнай і займальнай форме. Творчыя заданні дапамогуць удзельнікам заняткаў лёгка засвоіць тэму.

Расклад заняткаў:

Група 5–7 гадоў:
21 красавіка (субота) у 12.00 ці
24 красавіка (аўторак) у 18.30.

Група 8–12 гадоў:
13 красавіка (пятніца) у 18.00 ці
22 красавіка (нядзеля) у 12.00.

Рознаўзроставая група 5–12 гадоў:
22 красавіка (нядзеля) у 13.30 ці
29 красавіка (нядзеля) у 13.00.

Працягласць – 60 хвілін.

Кошт заняткаў з матэрыяламі для творчага задання: 4 руб. 50 кап.

Тэлефоны для даведак і запісу: (8 017) 293 27 82, (8 025) 994 21 12.

Мерапрыемствы

Асветніца з роду Усяслава

16.07.2021

З 16 ліпеня па 31 жніўня запрашаем наведаць выстаўку “Асветніца з роду Усяслава”, прымеркаваную да 920-годдзя з дня нараджэння беларускай асветніцы Еўфрасінні Полацкай і 860-годдзя стварэння крыжа святой Еўфрасінні.

Лёс наканаваны з нябёс

22.07.2021

З 22 ліпеня па 22 верасня ў зале нотных і аўдыявізуальных дакументаў (пам. 305) праходзіць выстава “Лёс наканаваны з нябёс”, прысвечаная 75-годдзю беларускага кампазітара і педагога Ганны Маратаўны Казловай.

Адкрывальнік і летапісец сівой даўніны

21.07.2021

Да 60-годдзя беларускага гісторыка і пісьменніка Вітаўта Чаропкі ў зале беларускай літаратуры (пам. 205) з 21 ліпеня па 31 жніўня праходзіць выстаўка “Адкрывальнік і летапісец сівой даўніны”.

Толькі на адзін тыдзень у Мінску адкрылася ўнікальная выстава “Ян Баршчэўскі, які любіў Бога, прыроду і людзей” (+відэа)

22.07.2021

22 ліпеня ў музеі кнігі Нацыянальнай бібліятэкі Беларусі адкрылася выстава “Ян Баршчэўскі, які любіў Бога, прыроду і людзей”. На ёй упершыню будуць разам прадстаўлены аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.

Памяць дарог

16.07.2021

У зале беларускай літаратуры (пам. 205) з 16 ліпеня па 19 верасня праходзіць юбілейная выстаўка “Памяць дарог”, прымеркаваная да 110-годдзя з дня нараджэння паэта і перакладчыка Анатоля Астрэйкі (1911–1978).



Бібліятэкарам