ГалоўнаяМерапрыемствыМастак, што малюе паветра: выстаўка акварэляў Вячаслава Паўлаўца
"Вясны ў душы і за акном – таксама": са святам, мілыя дамы!
“Беларусьфільм” зняў мультфільмы для дзяцей па гісторыі гарадоў Беларусі

Мастак, што малюе паветра: выстаўка акварэляў Вячаслава Паўлаўца

Мастак, што малюе паветра: выстаўка акварэляў Вячаслава Паўлаўца
Іншыя мерапрыемствы
15.03.2018
Дата правядзення
10.00–21.00
Час правядзення
галерея "Панорама" (22-й этаж)
Месца правядзення

15 сакавіка а 17-й гадзіне ў галерэі “Панарама” (22-гі паверх) адкрыецца выстаўка акварэляў Вячаслава Паўлаўца “Крокі па вадзе”.

Карціны вядомага беларускага мастака-акварэліста Вячаслава Паўлаўца – гэта спараўдны цуд мастацтва, створаны вадзянымі фарбамі. Пэндзаль майстра нібыта робіць крокі па вадзе, пакідаючы за сабой дзіўны лёгкі пейзаж, напоўнены святлом і паветрам.

Гарманічны свет у акварэлях мастака прадстае перад гледачом такім, якім ён бачыцца ў шчаслівых снах і дзіцячых успамінах. Цалкам пазбаўлены ад усяго цёмнага і выпадковага, ён выпраменьвае ўнутранае святло, нагадвае пра адвечную мудрасць прыроды, крохкасць чалавечай душы і непаўторнасць кожнага імгнення.

Невыпадкова акварэль стала галоўная тэхнікай у творчым лёсе Вячаслава Паўлаўца. Празрыстая, шматслойная, яна поўнасцю адпавядае яго светаўспрыманню, патрабуе дакладнага вока, артыстычнай і лёгкай рукі, не даруе памылак і не дазваляе выпраўленняў.

Нельга не заўважыць, што адзін з самых распаўсюджаных матываў творчасці мастака – матыў дарогі. Урачыстая алея паўзабытага панскага маёнтка, ледзь прыкметная сцяжынка ў жнівеньскім полі, адзінокі ланцужок слядоў па першым снезе – ці не запрашэнне гэта да пуці дамоў, а значыць, – да сябе?

Атрымаць асалоду ад светланоснай акварэлі Вячаслава Паўлаўца запрашаем да 23 красавіка 2018 года.

З 16 сакавіка ўваход на выстаўку платны − складае кошт наведвання агляднай пляцоўкі.

Чытайце таксама аб адкрыцці выстаўкі.

Тэлефоны для даведак: (+375 17) 266 37 37, 293 28 23.
Е-mail: pr@nlb.by

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Пра гонар, вайсковы абавязак і любоў да Бацькаўшчыны: раман Вячаслава Бандарэнкі падораць бібліятэкам краіны

18.06.2018

20 чэрвеня ў Нацыянальнай бібліятэцы адбудзецца цырымонія перадачы ў дар раённым і гарадскім бібліятэкам выдання Вячаслава Бандарэнкі “Четыре судьбы. Одна Родина”.

Сучасная Беларусь

15.06.2018

Напярэдадні Дня Незалежнасці Рэспублікі Беларусь (3 ліпеня) у бібліятэцы арганізавана тэматычная выстаўка “Сучасная Беларусь”.

Грамадства без наркотыкаў – наш выбар

14.06.2018

З 14 чэрвеня па 6 жніўня ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Грамадства без наркотыкаў – наш выбар!”, прысвечаная Міжнароднаму дню барацьбы са злоўжываннем наркатычнымі сродкамі і іх незаконным абаротам.

Цуд на далонях вечнасці

08.06.2018

З 8 чэрвеня па 8 ліпеня ў зале беларускай літаратуры (пам.205) праходзіць выстаўка “Цуд на далонях вечнасці”, прысвечаная 70-годдзю беларускага пісьменніка, перакладчыка і грамадскага дзеяча Анатоля Іванавіча Бутэвіча.