ГалоўнаяМерапрыемствыМузейныя заняткі “Ёган Гутэнберг”
Сувенір для мамы
“Вачам сваім [не] веру!”: галаграмы ў Нацыянальнай бібліятэцы

Музейныя заняткі “Ёган Гутэнберг”

Музейныя заняткі “Ёган Гутэнберг”
Іншыя мерапрыемствы

Музей кнігі запрашае дзяцей 5–12 гадоў і іх бацькоў на музейныя заняткі “Ёган Гутэнберг”. Заняткі будуць прысвечаны вынаходніцтву кнігадрукавання ў Еўропе і дзейнасці нямецкага першадрукара.

Удзельнікі сустрэчы паразважаюць, што дало стварэнне кнігадрукавання чалавецтву і чаму вынаходніцтва друку – адно з найважнейшых у развіцці цывілізацыі. Мерапрыемства праводзіцца ў даступнай і займальнай форме. Пазнанне разнастайнасці кніжнай культуры адбываецца з дапамогай дыялогу, гульняў і творчасці.

Расклад заняткаў:

Група 5–7 гадоў:
20 лютага (аўторак), 18.30 альбо
24 лютага (субота), 11.00.

Група 8–12 гадоў:
23 лютага (пятніца), 18.00 альбо
25 лютага (нядзеля), 12.00.

Рознаўзроставая група 5–12 гадоў:
25 лютага (нядзеля), 13.30.

Працягласць – 60 хвілін.

Кошт заняткаў з матэрыяламі для творчага задання: 4 руб. 50 кап.

Адрас: Нацыянальная бібліятэка Беларусі, пр. Незалежнасці, 116.

Тэлефоны для даведак і запісу: (8 017) 293 27 82, (8 025) 994 21 12.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Скарыназнаўства ў Францыі

21.10.2020

23 кастрычніка адбудзецца рэальна-віртуальны навуковы круглы стол, прысвечаны кнігазнаўчым даследаванням у Францыі. Вядучым экспертам мерапрыемства выступіць Вольга Шутава, кандыдат гістарычных навук, кіраўнік Лабараторыі скарыназнаўства i валарызацыi даследаванняў гiсторыi культуры Беларусi (Парыж, Францыя).

Агульная будучыня агульнымі сіламі

16.10.2020

З 16 кастрычніка па 11 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “ААН для міру і дабрабыту народаў”, прысвечаная 75-годдзю Арганізацыі Аб’яднаных Нацый.

Размова з адвакатам аб куплі-продажы нерухомасці

15.10.2020

23 кастрычніка запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Пяшчотная, мілая, добрая

13.10.2020

З 13 кастрычніка па 30 лістапада ў бібліятэцы (2-гі паверх, кальцавы калідор) арганізавана выстаўка “Пяшчотная, мілая, добрая”, прымеркаваная да Дня маці (14 кастрычніка).

Прывілеі і вольнасці гарадоў Вялікага Княства Літоўскага

12.10.2020

З 12 кастрычніка 2020 г. па 4 студзеня 2021 г. у зале прававой інфармацыі (пам. 207b) адкрыта тэматычная выстава “Прывілеі і вольнасці гарадоў Вялікага Княства Літоўскага”, прысвечаная 390-годдзю Магдэбургскага права на Беларусі.



111