ГалоўнаяМерапрыемствыМастацкая выстаўка Марыі Рэдко "Каля хаты"
Мастацкая выстаўка Леаніда Марчанкі “Паэзія графікі”
Музейныя заняткі “Папяровыя цуды” ў “Клубе кніжных прафесараў”

Мастацкая выстаўка Марыі Рэдко "Каля хаты"

Мастацкая выстаўка Марыі Рэдко "Каля хаты"
Іншыя мерапрыемствы
Галерэя "Панарама"
Месца правядзення

Хопіць сядзець у чатырох сценах! Няма ў іх межах ні натхнення, ні прыгод. Адпраўляемся на пошукі прыгожага разам з Марыяй Рэдко. Сучасная маладая мастачка з Брэста прадставіла ў сталіцы серыю жыццярадасных і сонечных работ – тое, што падгледзела-падмеціла падчас прагулак і назіранняў за наваколлем.

Скончыўшы ў 2008 годзе Брэсцкі дзяржаўны ўніверсітэт імя А.С. Пушкіна, Марыя накіравалася адточваць прафесійнае майстэрства ў Берлін, на факультэт жывапісу Вышэйшай школы мастацтваў Вайсэнзэе. Мастачка неаднаразова прымала ўдзел у рэспубліканскіх і міжнародных выстаўках у Беларусі, Германіі, Польшчы, Расіі, Украіне, Швецыі. Зараз яе работы можна пабачыць і нават набыць на выстаўцы-продажы “Асенні салон з Белгазпрамбанкам”.

Дзяўчына вельмі любіць вандраваць, адкрываць для сябе новыя краіны, шукаць натхненне ў новых месцах і знаёмствах. Імгненныя ўражанні выліваюцца ў акварэлі – па-першае, гэта тэхніка больш мабільная падчас вандравання, а па-другое, свет у акварэлі перадаецца зусім інакш, чым маслам.

Галоўны кірунак у творчасці М. Рэдко – партрэтны жывапіс. Аднак вядомая яна і як таленавіты ілюстратар і дызайнер – аўтар ілюстрацый да кніг “Казкі маёй бабулі”, “Твары вёсак, якія знікаюць”, “Литературная кухня”. Паспрабавала сябе і ў ролі аніматара – год таму мастачка (між іншым, адзіная з Беларусі) прымала ўдзел у маштабным праекце па стварэнні поўнаметражнага анімацыйнага фільма пра славутага галандскага мастака “Ван Гог. З любоўю, Вінсент”. Амаль паўгода малявала кадры з фільма маслянымі фарбамі, выкарыстоўваючы прынцыпы стылю Вінсента Ван Гога. Так почырк вядомага мастака знайшоў водгук у творчых пошуках Марыі і пачаў праяўляцца ў яе работах.

У вернісажы прынялі ўдзел загадчыца аддзела галерэйна-выставачнай дзейнасці Нацыянальнай бібліятэкі Беларусі Вольга Давідовіч, прафесар кафедры гісторыі і тэорыі мастацтваў Беларускай дзяржаўнай акадэміі мастацтваў Яўген Шунейка, кандыдат мастацтвазнаўства, галоўны спецыяліст упраўлення інфармацыйнай палітыкі Белгазпрамбанка Аляксандр Зіменка і аўтар работ, мастачка Марыя Рэдко.

З 1 лістапада ўваход на выстаўку складае кошт наведвання агляднай пляцоўкі.
Экспазіцыя будзе дзейнічаць у галерэі “Панарама” да 15 лютага 2018 года.

Тэлефоны для даведак: (8 017) 266 37 37, 293 28 33.
Е-mail: pr@nlb.by

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Міжкультурны дыялог і развіццё

16.05.2018

З 16 мая па 20 чэрвеня ў зале дакументаў міжнародных арганізацый (пам. 207g) адкрыта тэматычная выстаўка “Міжкультурны дыялог і развіццё”, прысвечаная Сусветнаму дню культурнай разнастайнасці ў імя дыялогу і развіцця.

Тутэйшыя

15.05.2018

З 15 мая на выставачнай пляцоўцы 3-га паверха адкрыта прымеркаваная да Года малой радзімы інфармацыйна-дакументальная выстаўка “Тутэйшыя”.

“Рускі Бах”

11.05.2018

З 11 мая па 11 чэрвеня ў зале нотных і аўдыявізуальных дакументаў (пам. 305) праходзіць выстаўка “Рускі Бах”, прымеркаваная да 80-годдзя з дня нараджэння Юрыя Маркавіча Буцко.

Вялікі дзякуй за пераможны Май!

07.05.2018

З 7 мая па 17 чэрвеня на выставачнай пляцоўцы 2-га паверха праходзіць тэматычная выстаўка да дня Вялікай Перамогі “Вялікі дзякуй за пераможны Май!”.

Роля сям'і ў сучасным свеце

08.05.2018

З 8 мая па 13 чэрвеня ў аддзеле абслугоўвання афіцыйнымі дакументамі (пам. 207) адкрыта тэматычная кніжная выстаўка “Роля сям'і ў сучасным свеце”, прысвечаная Міжнароднаму дню сям'і.