ГалоўнаяМерапрыемствыКрай Скарыны, Шагала і бясконцых азёраў: Віцебшчыне прысвячаецца
Руплівец на ніве роднай мовы
Літаратурная гадзіна “Па казачных краінах, морах і акіянах”

Край Скарыны, Шагала і бясконцых азёраў: Віцебшчыне прысвячаецца

Край Скарыны, Шагала і бясконцых азёраў: Віцебшчыне прысвячаецца
Іншыя мерапрыемствы
25 студзеня
Дата правядзення
15.00
Час правядзення
галерэя “Лабірынт” (3-ці паверх)
Месца правядзення

25 студзеня а 15-й гадзіне ў галерэі “Лабірынт” (3-ці паверх) адбудзецца мерапрыемства «Інфармацыйныя скарбы зямлі беларускай. Віцебшчына».

Нацыянальная бібліятэка Беларусі запрашае на першую імпрэзу з вялікага цыклу мерапрыемстваў, што пазнаёмяць з інфармацыйнай спадчынай розных мясцін Беларусі, іх гісторыяй і культурнымі здабыткамі. Гэта своеасаблівы вынік плённай працы айчынных бібліятэк, архіваў, музеяў, навуковых і адукацыйных устаноў, краязнаўцаў-аматараў па вывучэнні, узнаўленні і папулярызацыі інфармацыйных скарбаў нашай краіны.

Мерапрыемства прысвечана Віцебшчыне – зямлі са старажытнай і цікавай гісторыяй, маляўнічымі краявідамі і аўтэнтычнай культурай. Віцебскі край падарыў свету цэлую плеяду вядомых вучоных, літаратараў, мастакоў і музыкантаў. Тут склаліся ўплывовыя навуковыя і мастацкія школы, узніклі моцныя краязнаўчыя плыні, працавалі таленавітыя краязнаўцы – сапраўдныя энтузіясты вывучэння роднага краю. Гэтыя традыцыі з поспехам працягваюцца і сёння.

За апошнія гады рэалізаваны шэраг арыгінальных праектаў па зборы і вывучэнні багатай інфармацыйнай спадчыны Віцебскага рэгіёну. Гэта мультымедыйныя і друкаваныя выданні, электронныя анлайнавыя рэсурсы. Найбольш выбітныя з іх будуць прадстаўлены на мерапрыемстве.

Падчас імпрэзы прагучаць выступленні вядомых краязнаўцаў-даследчыкаў, прадстаўнікоў бібліятэчнага і музейнага асяроддзя, гісторыкаў і архівістаў, а таксама музычныя кампазіцыі, прысвечаныя роднаму краю. Мерапрыемства дапоўніць тэматычная выстаўка-агляд інфармацыйных рэсурсаў з фондаў Нацыянальнай бібліяэкі пра Віцебскі рэгіён.

Мерапрыемства арганізавана пры падтрымцы Беларускай бібліятэчнай асацыяцыі. Да сустрэчы ў Нацыянальнай бібліятэцы Беларусі!

Тэлефон для даведак: (8 017) 266 37 37.
Е-mail: pr@nlb.by

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Мастак лірыкі і драмы

14.11.2019

З 14 лістапада па 3 лютага ў зале нотных і аўдыявізуальных дакументаў (пам. 305) праходзіць выстаўка “Мастак лірыкі і драмы”, прысвечаная 100-годдзю з дня нараджэння Мечыслава Вайнберга.

Таямніцы парыжскіх падмосткаў

14.11.2019

З 14 лістапада па 10 снежня ў зале дакументаў па мастацтве (пам. 306) праходзіць кніжна-ілюстрацыйная выстаўка “Таямніцы парыжскіх падмосткаў”, прысвечаная 155-годдзю з дня нараджэння выдатнага французскага жывапісца і графіка Анры дэ Тулуз-Латрэка (1864–1901).

Спектакль у бібліятэцы: малышам паказалі казку пра сапраўднае сяброўства

06.11.2019

“Як забавіць дзіця на канікулах?” – думаюць выхавальнікі, настаўнікі і бацькі школьнікаў. Але пастаянных гасцей Нацыянальнай бібліятэкі Беларусі не турбуе гэтае пытанне. Яны ведаюць, што іх малышэй чакаюць займальныя спектаклі ў нашай канферэнц-зале.

Перамагчы дыябет!

13.11.2019

З 13 лістапада па 18 снежня ў зале дакументаў міжнародных арганізацый (пам. 207g) працуе тэматычная кніжная выстаўка “Перамагчы дыябет!”, прысвечаная Сусветнаму дню барацьбы з дыябетам.

Размова з адвакатам аб зваротах грамадзян

15.11.2019

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

“Жил да был брадобрей”

14.11.2019

14 лістапада дзіцячы пакой запрашае дзяцей 5–10 гадоў на літаратурную гадзіну “Жил да был брадобрей”.

Парламент – Нацыянальны сход Рэспублікі Беларусь: шляхі ўдасканалення

04.11.2019

З 4 па 18 лістапада ў зале прававой інфармацыі (пам. 207b) адкрыта тэматычная выстаўка “Парламент – Нацыянальны сход Рэспублікі Беларусь: шляхі ўдасканалення”, прымеркаваную да выбараў дэпутатаў Палаты прадстаўнікоў Нацыянальнага сходу Рэспублікі Беларусь.



111