Зала інфармацыйна-бібліяграфічнага абслугоўвання

Агульныя звесткі

2-гі паверх, пам. 257

У зале вядзецца абслугоўванне ўсіх чытачоў бібліятэкі па запытах, якія патрабуюць паглыбленага пошуку інфармацыі. Дзяжурныя бібліёграфы праводзяць індывідуальнае кансультаванне па методыцы пошуку інфармацыі, рэпертуары электронных рэсурсаў бібліятэкі, пошуку інфармацыі ў сеціве Інтэрнэт, падсобным фондзе аддзела.
Агульная колькасць чытацкіх месцаў – 100, у тым ліку 17 камп’ютараў для работы з электроннымі інфармацыйнымі рэсурсамі, 12 з якіх маюць выхад у сетку Інтэрнэт.

У падсобным фондзе залы прадстаўлена больш за 65 тыс. дакументаў: кнігі і перыядычныя выданні на беларускай, рускай і замежных мовах. У адкрытым доступе знаходзіцца багаты фонд універсальных і галіновых энцыклапедый, слоўнікаў, даведнікаў, статыстычных зборнікаў і іншых выданняў па ўсіх галінах ведаў. Закрытая частка падсобнага фонду змяшчае ўніверсальныя і галіновыя бібліяграфічныя паказальнікі. Дакументамі з падсобнага фонду можна карыстацца толькі ў зале. Заказ дакументаў з фондасховішча ў залу не ажыццяўляецца.

Забяспечаны доступ да ўсіх электронных рэсурсаў, якія ёсць у бібліятэцы:

• створаных Нацыянальнай бібліятэкай Беларусі:
  • электроннага каталога;
  • тэматычных баз даных "Беларусь: ад мінулага да сучаснага", "Чарнобыль", "Гісторыя Беларусі", "Культура і мастацтва Беларусі";
  • фактаграфічных баз даных "Беларусь у асобах і падзеях", "Вучоныя Беларусі";
  • электроннай бібліятэкі;
  • электроннага архіва нацыянальнай перыёдыкі;
  • бібліятэкі дыскаў;
• карпаратыўных баз даных;
• баз даных вядучых сусветных вытворцаў;
• сеткі Інтэрнэт.

Дадатковыя магчымасці:

• аўтаматызаванае рабочае месца, абсталяване павелічальным устройствам для чытання плоскадрукаваных тэкстаў (электронная лупа).

Дадатковыя платныя паслугі:

• выкананне пісьмовых бібліяграфічных даведак, у т.л. тэматычных;
• дапрацоўка бібліяграфічнага спісу карыстальніка;
• выкананне фактаграфічнай даведкі;
• пошук інфармацыі па запыце карыстальніка;
• заказ дакументаў па электронным каталогу Нацыянальнай бібліятэкі Беларусі;
• капіраванне электроннай інфармацыі на здымны носьбіт карыстальніка;
• раздрукоўка электроннай інфармацыі.

Рэжым работы залы адпавядае рэжыму работы бібліятэкі.

Парадак абслугоўвання ў зале інфармацыйна-бібліяграфічнага абслугоўвання

Кантакты:

Дзяжурны бібліёграф
Тэл.: (8 017) 293 27 38 (унутр. 77 38)
Загадчык сектара інфармацыйна-бібліяграфічнага абслугоўвання
Тэл.: (8 017) 293 27 40 (унутр. 77 40)