14 лютага адбудзецца ўрачыстае адкрыццё мастацкага праекта выкладчыкаў Беларускага дзяржаўнага педагагічнага ўніверсітэта імя Максіма Танка “Сучаснасць мастацтваў”.
У экспазіцыі будуць прадстаўлены сучасныя творы жывапісу, графікі, дэкаратыўна-прыкладнога мастацтва, дызайну адзення і графічнага дызайну. Экспанаты выстаўкі дэманструюць разнастайнасць творчых інтарэсаў педагогаў-мастакоў, іх індывідуальны светапогляд і аўтарскі стыль.
Выстаўка заклікана прадставіць вялікі творчы патэнцыял і разнастайны дыяпазон творчых магчымасцей выкладчыкаў кафедры мастацка-педагагічнай адукацыі. Большасць аўтараў з’яўляюцца членамі нацыянальных творчых саюзаў, такіх як Беларускі саюз мастакоў, Беларускі саюз дызайнераў, Саюз майстроў народнай творчасці Беларусі.
Гасцей выстаўкі чакаюць цікавы прагляд і прыемныя ўражанні.
Арганізатарамі творчай ініцыятывы выступілі Беларускі дзяржаўны педагагічны ўніверсітэт імя Максіма Танка і Нацыянальная бібліятэка Беларусі.
З 15 лютага ўваход на выстаўку платны, адпавядае кошту наведвання агляднай пляцоўкі.
Мерапрыемства пачнецца а 16-й гадзіне ў галерэі “Панарама” (22-гі паверх).
Тэлефоны для даведак: (8 017) 293 27 56, 293 28 33.
Е-mail: pr@nlb.by
