Нацыянальная бібліятэка Беларусі запрашае прыняць удзел у ХІІ Міжнародных кнігазнаўчых чытаннях “Кніжная культура Беларусі: погляд праз стагоддзі”.
Час правядзення: 7–8 красавіка 2016 г.
Месца правядзення: Нацыянальная бібліятэка Беларусі (Мінск, пр. Незалежнасці, 116).
Праблемнае поле канферэнцыі:
- 500-годдзе беларускага кнігадрукавання: аб падыходах да святкавання юбілею ў 2017 г.
- Рукапісная кніжнасць Беларусі.
- Беларуская рукапісная і друкаваная кніга ў айчынных і замежных зборах.
- Мастацкае афармленне рукапіснай і друкаванай кнігі.
- Спадчына Францыска Скарыны і яго пераемнікаў.
- Беларускія друкарні XVI–XVIІІ стст.
- Беларуская кніга ХIХ–ХХ стст.
- Друкарня Марціна Кухты, газеты “Наша доля” і “Наша ніва”, выдавецкае таварыства “Загляне сонца і ў наша аконца”: да 110-годдзя.
- Сучасная беларуская кніга.
- Кніжны гандаль і беларуская кніга.
- Роля і месца кнігі ў сучасным інфармацыйна-камунікацыйным асяроддзі.
- Футурыстычныя прагнозы будучыні кнігі.
- Нацыянальны дакумент і нацыянальная бібліяграфія: тэорыя, гісторыя і перспектывы развіцця.
- Адам Сакольчык – беларускі бібліёграф: да 120-годдзя з дня нараджэння.
- Кніга ў музейнай прасторы.
- Віртуальныя кніжныя выстаўкі.
Мовы канферэнцыі: беларуская, руская, польская, англійская.
Умовы ўдзелу:
Для ўдзелу ў канферэнцыі з дакладам, паведамленнем або ў якасці госця неабходна прайсці анлайн-рэгістрацыю.
Даклады і паведамленні:
Плануецца выданне зборніка матэрыялаў канферэнцыі. Прымаюцца арыгінальныя работы, якія маюць навуковае і прыкладное значэнне. Аргкамітэт пакідае за сабой права адбору дакладаў для ўдзелу ў канферэнцыі і артыкулаў для апублікавання. Файл з тэкстам даклада неабходна выслаць па электроннай пошце kireeva@nlb.by не пазней за 1 сакавіка 2016 г.
Патрабаванні да афармлення даклада:
- Прозвішча, імя, імя па бацьку (цалкам) аўтара/суаўтараў, поўная назва арганізацыі, горад, краіна; прозвішча, імя, імя па бацьку (цалкам) асобы, якая будзе прадстаўляць даклад на канферэнцыі, назва даклада.
- Аб’ём даклада разам з рэзюмэ на рускай і англійскай мовах, ілюстрацыямі і дадаткамі – не больш за 6 старонак фармату А4, Times New Roman, кегель 13, палутарны міжрадковы інтэрвал, тып файла .doc альбо .rtf (Microsoft Word).
- Спіс выкарыстаных крыніц афармляецца пасля асноўнага тэксту ў алфавітным парадку. Спасылкі афармляюцца ў квадратных дужках у канцы сказа, напрыклад [3, с. 15].
- Рэзюмэ на рускай мове аб’ёмам не больш за 500 сімвалаў (з прабеламі) і рэзюмэ на англійскай мове – не больш за 500 сімвалаў (з прабеламі).
Пражыванне, харчаванне, транспартныя выдаткі – за кошт удзельнікаў канферэнцыі.
Каардынатар
Кірэева Галіна Уладзіміраўна
Тэлефоны: (8 017) 293 27 81, 293 27 82.
Факс (8 017) 266 37 06.
E-mail: kireeva@nlb.by,sapega@nlb.by.