10 красавіка ў бібліятэцы адбыўся практыка-арыентаваны семінар “Інфармацыйнае забеспячэнне навуковай, адукацыйнай і інавацыйнай дзейнасці: выкарыстанне рэсурсаў EBSCO і іншых сусветных агрэгатараў”.
Арганізатарамі мерапрыемства выступілі Нацыянальная бібліятэка Беларусі і кампанія “EBSCO Information Services” – адзін з вядучых сусветных пастаўшчыкоў электронных інфармацыйных рэсурсаў.
Андрэй Сакалоў, дырэктар кампаніі “EBSCO Information Services” па рэгіянальным развіцці ў Расіі, Беларусі і Малдове, пазнаёміў удзельнікаў семінара з асноўнымі калекцыямі EBSCO і асаблівасцямі іх выкарыстання. Былі прадстаўлены выданні Інстытута інжынераў электратэхнікі і электронікі (IEEE), раскрыты алгарытмы работы з імі.
Таміла Міркамалава, трэнер па рабоце з інфармацыйнымі рэсурсамі EBSCO ў Расіі і краінах СНД, правяла з удзельнікамі трэнінг па рабоце з пошукавымі інструментамі і функцыяналам баз даных на платформе EBSCOhost.
У семінары прынялі ўдзел супрацоўнікі навукова-даследчых інстытутаў, прафесарска-выкладчыцкі склад, аспіранты, магістранты вышэйшых навучальных устаноў краіны, спецыялісты бібліятэк і інфармацыйных цэнтраў.