ГалоўнаяНавіныНацыянальная бібліятэка Беларусі
Адкрыта рэгістрацыя на XIV Міжнародныя кнігазнаўчыя чытанні
Прапануем новыя паслугі нашага інтэрнэт-магазіна

Ганарымся разам: “Чалавек года ў сферы культуры” – наш супрацоўнік!

Ганарымся разам: “Чалавек года ў сферы культуры” – наш супрацоўнік!
Іншыя навіны

6 лютага ў бібліятэцы адбылося пасяджэнне калегіі Міністэрства культуры Рэспублікі Беларусь, на якім ішла гаворка аб выніках дзейнасці арганізацый культуры ў 2017 годзе і задачах на 2018 год.

Сабраўшыхся з усіх рэгіёнаў Беларусі кіраўнікоў і супрацоўнікаў устаноў культуры, удзельнікаў творчых саюзаў і грамадскіх аб’яднанняў прывітаў міністр культуры Рэспублікі Беларусь Юрый Бондар. У пасяджэнні таксама ўзялі ўдзел першы намеснік кіраўніка Адміністрацыі Прэзідэнта Рэспублікі Беларусь Максім Рыжанкоў, намеснік прэм’ер-міністра Рэспублікі Беларусь Васіль Жарко, першы намеснік міністра культуры Рэспублікі Беларусь Ірына Дрыга, намеснік міністра культуры Рэспублікі Беларусь Аляксандр Яцко, намеснік начальніка Галоўнага ўпраўлення – начальнік упраўлення сацыяльна-культурнай палітыкі Адміністрацыі Прэзідэнта Рэспублікі Беларусь Наталля Красачка, старшыня Пастаяннай камісіі Савета Рэспублікі Нацыянальнага сходу Рэспублікі Беларусь па адукацыі, навуцы, культуры і сацыяльным развіцці Ірына Старавойтава, старшыня Пастаяннай камісіі Палаты прадстаўнікоў Нацыянальнага сходу Рэспублікі Беларусь па адукацыі, культуры і навуцы Ігар Марзалюк і іншыя ганаровыя госці.

У межах сустрэчы прагучалі даклады кіраўнікоў устаноў культуры аб асноўных напрамках развіцця, праблемах і пазітыўным вопыце іх вырашэння. Былі закрануты прававыя, сацыяльна-эканамічныя, адукацыйныя, навуковыя і кадравыя аспекты развіцця сферы культуры.

Урачыстым момантам пасяджэння стала цырымонія ўручэння прэмій рэспубліканскіх конкурсаў на лепшую практыку дзейнасці органаў мясцовай улады па рэалізацыі дзяржаўнай культурнай палітыкі, “Чалавек года ў сферы культуры” і “Горад культуры” па выніках 2017 года.

Прыемна адзначыць, што высокае званне “Чалавек года ў сферы культуры” ў намінацыі “Бібліятэчная дзейнасць” прысуджана намесніку дырэктара па навуковай рабоце і выдавецкай дзейнасці Нацыянальнай бібліятэкі Беларусі Аляксандру Сушы.

Паважаны Аляксандр Аляксандравіч! Шчыра віншуем з ганаровым званнем! Дзякуем за Вашу адданасць любімай справе і плённую працу, жадаем моцнага здароўя, поспехаў ва ўсіх пачынаннях і новых перамог!

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

Місія выканальна! Калектыў бібліятэкі ўзнагароджаны прэміяй “За духоўнае адраджэнне”

9 Сту 2018

9 студзеня адбылася ўрачыстая цырымонія ўзнагароджання лаўрэатаў прэміі Прэзідэнта Рэспублікі Беларусь “За духоўнае адраджэнне”, спецыяльных прэмій Прэзідэнта Рэспублікі Беларусь дзеячам культуры і мастацтва і “Беларускі спартыўны Алімп” 2017 года.

Нацыянальная бібліятэка Беларусі

Нацыянальная бібліятэка Беларусі – лаўрэат прэміі “За духоўнае адраджэнне”

5 Сту 2018

Указам Прэзідэнта Рэспублікі Беларусь № 1 ад 4 студзеня 2018 года калектыву Нацыянальнай бібліятэкі Беларусі прысуджана прэмія Прэзідэнта Рэспублікі Беларусь “За духоўнае адраджэнне”.

Нацыянальная бібліятэка Беларусі

Серыя семінараў па магчымасцях выкарыстання платформы Web of Science

16 Лют 2018

З 26 лютага па 2 сакавіка ў межах работы віртуальнай чытальнай залы адбудзецца серыя семінараў “Магчымасці выкарыстання платформы Web of Science для павышэння эфектыўнасці навукова-даследчай, адукацыйнай і інавацыйнай дзейнасці”.

Нацыянальная бібліятэка Беларусі