25 красавіка ў галерэі “Панарама” (22-гі паверх) адкрылася фотавыстаўка “Гольф – алімпійскі від спорту”.
“Я праводжу больш часу ў лесе, чым вавёрка”, – жарт з жыцця прафесійнага гальфіста. На самой справе, гольф у сэнсе ўз’яднання з прыродай вельмі прывабная гульня. Адзін раўнд – гэта 4-5 гадзін пешшу на свежым паветры, што вельмі карысна для здароўя, і шматгадзінныя зносіны з сябрамі і аднадумцамі.
Якое ж месца займае гольф у сучасным свеце? У краінах Еўропы – гэта адзін з самых папулярных відаў спорту, які ўпэўнена лідзіруе па масавасці. Кожнае поле для гольфа ўнікальнае, таму сапраўдныя гальфісты шмат падарожнічаюць, пакараючы новыя прасторы. У гольфе вельмі цяжка дасягнуць дасканаласці, таму многія прысвячаюць яму шмат гадоў жыцця. Як і ў любым іншым відзе спорту, у ім ёсць свае сакрэты майстэрства і патрабаванні – неабходна валодаць вялікім цярпеннем, вытрымкай і... талентам.
Выстаўка “Гольф – алімпійскі від спорту” вядомага фотамастака Сцяпана Надольскага адлюстроўвае развіццё гольфа ў беларускім спорце. Для нашай краіны гольф адносна малады, аднак з кожным годам ён заваёўвае ўсё больш трывалыя пазіцыі сярод відаў спорту. Сёння гальфісты з Беларусі прымаюць актыўны ўдзел у міжнародных спаборніцтвах, і ў гэтым вялікая заслуга Беларускай асацыяцыі гольфа, створанай у 2012 годзе.
У адкрыцці экспазіцыі прынялі ўдзел старшыня Беларускай асацыяцыі гольфа, член Нацыянальнага алімпійскага камітэта Рэспублікі Беларусь Уладзімір Дражын, старшыня Савета старэйшын Мінскай вобласці Сяргей Паўлюкевіч, аўтар прадстаўленых у экспазіцыі фотаработ Сцяпан Надольскі і фотамастак Сяргей Кавалёў.
Выстаўка, якая натхняе на раўнд у гольф, будзе ўпрыгожваць галерэю “Панарама” да 25 ліпеня 2018 года.
Дата завяршэння работы выстаўкі можа быць зменена.
З 26 красавіка ўваход платны, складае кошт наведвання агляднай пляцоўкі.
Тэлефоны для даведак: (8 017) 266 37 37, 293 28 23.
Е-mail: pr@nlb.by
