Часам выпадковаму мімалётнаму захапленню чалавек застаецца адданы доўгія гады – гэта робіць жыццё больш яркім і цікавым. Прыемны занятак адцягвае ад аднастайнасці будняў, ратуе ў цяжкіх жыццёвых сітуацыях, а часам становіцца сродкам заробку і прафесійным прызваннем. Хобі дорыць чалавеку радасць і настройвае на пазітыў.
Многія людзі захоплены калекцыянаваннем. Прыцягнуць увагу калекцыянера могуць разнастайныя рэчы, усё залежыць ад пераваг, інтарэсаў і фінансавых магчымасцей: металічныя і папяровыя грашовыя знакі, арт-прадметы, машынкі-мадэлі, цацкі, кветкі і многае іншае. Аб незвычайных калекцыях і людзях, якія іх ствараюць, раскажуць публікацыі ў часопісах “Милиция Беларуси”, “Маладосць”, “Мастацтва”.
Для мужчын, захопленых рыбалкай, паляваннем, радыёэлектронікай, аўтасправай, адкрываюць свае сакрэты перыядычныя выданні “Радиолюбитель”, “Охота и рыбалка”, “Охота и охотничье хозяйство”, “Моделист-конструктор”, “За рулём”, “Автопанорама” і інш.
Пра тое, як фларыстыка, жывапіс, мастацкая фатаграфія, кавальская справа, выраб музычных інструментаў, сусветная гісторыя становяцца хобі, а часам перарастаюць у сапраўдную прафесію і справу ўсяго жыцця распавядзе часопіс “Беларусь”.
Для аматараў дэкаратыўна-прыкладнога мастацтва экспазіцыя прапаноўвае выданні “Делаем сами”, “Кудесница”, “Сам себе мастер”, “Домашний”, “Мастерица”, “Ксюша”.
Усяго на выстаўцы прадстаўлена каля 40 перыядычных выданняў.
Кантактны тэлефон: (8017) 293 25 87.
