Віртуальныя праекты, выстаўкі, калекцыі

Дзейнасць па падрыхтоўцы электронных мультымедыйных рэсурсаў служыць яскравым прыкладам выкарыстання шматлікіх тэхналагічных магчымасцей, якія адкрывае сёння мультымедыйны фармат прадстаўлення інфармацыі.

Віртуальныя праекты Нацыянальнай бібліятэкі Беларусі, большасць з якіх прадстаўлена на 3-х мовах – беларускай, рускай і англійскай, – з’яўляюцца сучаснымі інфармацыйнымі прадуктамі, роля іх паступова ўзрастае, і яны могуць скласці важную частку нацыянальнай інфармацыйнай прасторы:

• "Станаўленне і развіццё бібліятэк Беларусі: архіўныя дакументы";
  
• "Вядомыя імёны": да 100-годдзя Нацыянальнай бібліятэкі Беларусі
  
• “Парыжскі «Вулей»: сусветна вядомыя мастакі з Беларусі”;
  
• “Беларусь у інфармацыйнай прасторы”;
• “ЮНЕСКА і Беларусь: вехі супрацоўніцтва ”: да 65-годдзя ўступлення Беларусі ў ЮНЕСКА (1954–2019);
• "Еўрапейскія гульні 2019: 15 яркіх акцэнтаў": да II Еўрапейскіх гульняў;
• “Языком власным права списанные маем”: да 430-годдзя Статута Вялікага Княства Літоўскага 1588 г.;
• “Кніга Беларусі XIV–XVIII стагоддзяў”: электронныя копіі рэдкіх і старадрукаваных дакументаў з фондаў бібліятэкі;
• "На хвалі часу, у плыні жыцця": да 100-годдзя ўтварэння Усебеларускага літаратурнага аб’яднання паэтаў і пісьменнікаў “Маладняк” (1923–1928);
• "Рукапісы сучасных беларускіх аўтараў з фондаў Нацыянальнай бібліятэкі Беларусі";
• "Беларуская літаратурная спадчына. Часопісы 1919–1939 гг.";
• "Класікі сусветнай літаратуры Янка Купала і Якуб Колас": да 130-годдзя з дня нараджэння песняроў зямлі беларускай;
• "Віртуальнае падарожжа з Янкам Маўрам": да 130-годдзя з дня нараджэння першаадкрывальніка прыгодніцкага і навукова-пазнавальнага жанраў у беларускай дзіцячай літаратуры;
• "Залатыя кросны душы": да 100-годдзя з дня нараджэння беларускага пісьменніка Янкі Брыля (1917–2006);
• "Дзівосны свет Язэпа Драздовіча": да 130-годдзя з дня нараджэння (1888–1954);
• “Споведзь мужнасці і любові”: да 95-годдзя з дня нараджэння народнага мастака Беларусі Міхаіла Савіцкага (1922–2010);
• “Узоры беларускай душы: арнаменты роднага краю”
• “Адысея Саламеі Русецкай: ад Стамбула да Пецярбурга”: да 300-годдзя з дня нараджэння наваградскай лекаркі;
• "Станіслаў Манюшка. Музычны рамантык з Міншчыны": да 200-годдзя з дня нараджэння;
• “Майстры беларускай культуры. Яўген Глебаў”: збор лічбавых копій рукапісаў кампазітара;
• “Мода і час”: тэндэнцыі сусветнай моды з XVI ст. да нашых дзён;
• "1812 год у гісторыі Беларусі": да 200-годдзя вайны 1812 года;
• "Беларусь у Першай сусветнай": да 100-годдзя пачатку Першай сусветнай вайны;
• “Падпольны і партызанскі друк Беларусі”: да 75-годдзя Перамогі ў Вялікай Айчыннай вайне.

Да ўвагі карыстальнікаў інтэрнэт-партала таксама прапаноўваюцца такія формы выставачнай работы, як віртуальныя выстаўкі і віртуальныя калекцыі.

З прадстаўленымі дакументамі з фондаў і калекцый бібліятэкі наведвальнікі віртуальных выставак могуць азнаёміцца ў любы час сутак. На віртуальных стэндах – кнігі, рэпрадукцыі, паштоўкі, плакаты, гуказапісы, электронныя дакументы і інш. Інфармацыя структуравана па тэматычных раздзелах. Простая навігацыя з гіперспасылкамі для зручнасці перамяшчэння ў раздзел, які цікавіць, кароткая анатацыя да экспануемых выданняў, адпаведны дызайн палягчаюць успрыманне.

Прадстаўленыя ў фармаце тэматычных сайтаў, відэапрэзентацый і слайд-шоу, гэтыя электронныя рэсурсы ствараюцца да юбілеяў слынных суайчыннікаў, свецкіх і духоўных свят, знамянальных дат у жыцці краіны:

• "З верай і праўдай прайшоў праз эпоху": да 125-годдзя з дня нараджэння Кандрата Крапівы (1896–1991);
• "Годнасць, сумленнасць, мужнасць": памяці Ніла Гілевіча (1931–2016);
• "Асоба, прафесіянал, чалавек": да 125-годдзя першага дырэктара бібліятэкі І.Б. Сіманоўскага (1892–1967);
• "Хакей у свеце": да 78-га чэмпіянату свету па хакеі з шайбай;
• "Вялікдзень у Беларусі".

Інтэрнэт-праекты Нацыянальнай бібліятэкі Беларусі атрымліваюць шырокі рэзананс. Аналагаў такога роду мультымедыйных рэсурсаў мала не толькі ў нашай краіне, але і ў краінах СНД. Выкананыя на належным узроўні і максімальна інфарматыўныя, яны садзейнічаюць:

• папулярызацыі фондаў бібліятэкі;
• пашырэнню ведаў па беларускай культуры і гісторыі;
• ажыццяўленню свабоднага доступу карыстальнікаў да культурнай і гістарычнай спадчыны нашага народа.